Qostanai oblysynyŋ qylmystyq ıster jönındegı mamandandyrylǧan audanaralyq soty pedagog-psihologqa qatysty qylmystyq ıstı qaraidy. Oǧan balalar üiınıŋ tärbielenuşısın zorlady dep aiyp taǧylyp otyr dep jazdy turkystan.kz.
Belgılı bolǧandai, jäbırlenuşı Rudnyidaǧy balalar üiınen şyqqannan keiın araǧa ekı apta salyp, polisiiaǧa aryz jazǧan. Tobolİnfonyŋ habarlauynşa, qazır jäbırlenuşı kolledjde oqidy.
«Ne Molchi» qorynyŋ jetekşısı Dina Taŋsärınıŋ aituynşa, jasöspırım qyz ekı jyl boiy zorlyq-zombylyq körgen. Ol mūǧalımnıŋ DNQ-syn jinau arqyly zorlau faktısın däleldei alǧan.
Er adamǧa QR Qylmystyq kodeksınıŋ 120-baby («Zorlau») boiynşa aiyp taǧyldy. Prosess jabyq esık jaǧdaiynda ötedı.
Küdıktı balalar üiınde 10 jyldan astam uaqyt jūmys ıstegen. Oǧan deiın ol «Qara bürkıt» ömır boiyna bas bostandyǧynan aiyru koloniiasynda psiholog qyzmetın atqarǧan.
Eske sala ketsek, 2021 jyldyŋ tamyz aiynda Rudnyida balalar üiınıŋ qyzmetkerı mekemenıŋ kämeletke tolmaǧan tärbielenuşısın zorlady degen küdıkpen ūstalǧan bolatyn.
“Adyrna” ūlttyq portaly
