Negızgı mındet — būqaralyq sportpen şūǧyldanuşylardyŋ sanyn 38 paiyzǧa jetkızu

Qazırgı kezeŋde sapaly ūlt qalyptastyru üşın azamattardy sportpen şūǧyldanuǧa baulu – asa maŋyzdy mındettıŋ bırı. Būl rette öŋırlerde būqaralyq sportty damytu deŋgeiın köteru özektı. Syr elınde būl körsetkış bügıngı künı 34 paiyzdy qūrady, iaǧni 280 myŋnan astam oblys tūrǧyny sporttyŋ jappai türlerımen ainalysuda. Aldaǧy uaqytta osy körsetkıştı 38 paiyzǧa jetkızu qajet. Bügın oblys äkımı Gülşara Äbdıqalyqovaǧa oblystyq dene şynyqtyru jäne sport basqarmasynyŋ basşysy Asyljan Jamanqūlov salalyq mäselelerdegı negızgı basymdyqtar boiynşa atqarylǧan jūmystardy baiandady. Qazırde öŋırdegı 21 sport mektebınde 21 161 bala men jasöspırım 48 sport türı boiynşa jattyǧady. Ötken jyly halyqty sporttyq infraqūrylymmen qamtu ülesı 41,6 paiyzǧa jetken. Sondai-aq, memlekettık-jekemenşık ärıptestık aiasynda sport salasy boiynşa 6 joba ıske asty. Osy jūmystardyŋ nätijesınde qyzylordalyq 188 sportşy Älem chempionattarynda jüldeger atanyp, 131 sportşy Aziia chempionattarynda medal jeŋıp alǧan. Asyljan Jamanqūlov memlekettık sporttyq tapsyrys şeŋberındegı jobalarǧa da toqtaldy. Ötken jyly osy baǧytta 212 mln. teŋge bölınıp, 2 156 bala tegın sport üiırmelerge tartylsa, biyl memlekettık tapsyrys kölemı 638 mln. teŋgege deiın ūlǧaiyp, 4 312 balany qamtu josparlanǧan. Sondai-aq, ol jaz mezgılınde Qytaida ötetın Aziia oiyndaryna sportşylardy baptau jäne daiyndyq şaralary bastalǧanyn tılge tiek ettı. Sport salasyndaǧy jūmystardy saralaǧan aimaq basşysy būqaralyq jäne balalar sportyn küşeitu üşın ärbır jobanyŋ balalarǧa tiımdılıgı eskerılıp, sporttyq tapsyrystyŋ ädılettı bölınuın qadaǧau maŋyzdy ekenın qaperge saldy. Äsırese, «Balalar jyly» aiasynda daryndy balalarǧa qoldau körsetıp, sportpen käsıbi türde ainalysatyn jetkınşekterge erekşe köŋıl bolu kerektıgın eskerttı. Sondai-aq, memlekettık-jekemenşık ärıptestık aiasynda sport nysandaryn salu, demeuşılermen tūraqty jūmys jürgızudı ärı qarai ılgerıletu qajet dedı.