Atyrau oblysynyŋ būrynǧy äkımı Bergei Rysqaliev Londondaǧy qymbat üilerınıŋ bırı One Hyde Park aldynda boljam boiynşa tūŋǧyş prezident Nūrsūltan Nazarbaevtyŋ oqqaǧarlaryn videoǧa tüsırıp aldy, dep habarlaidy "Adyrna" ūlttyq portaly orda.kz-ke sılteme jasap. Būl turaly videony Bergei Rysqaliev özınıŋ Instagram paraqşasynda jariialady.
Qasynda jinalǧan jūrtşylyqpen bırge aiqailap, Nūrsūltan Nazarbaevtyŋ şyǧuyn talap ettı. «Nazarbaev – ūry! Nazarbaev – Qazaqstannyŋ jauy!» degen ūrandar aityldy.
– Myna jerde diktator Nazarbaev öz qazaqtarynan qaşyp kettı. Būl qazaqtyŋ jauy. Ol – nömer bırınşı ūry. Ony bıle berıŋızder. Sebebı, būl siiakty ūry Qazaqstannan 200 milliard ūrlap ketken. Ekı buyn qazaqty taqyrǧa otyrǧyzǧan. Būndai ūry dünie jüzınde joq. Öz qazaqtarynan qaşyp, 50 oqqaǧarymen bırge qazır ǧana qaşyp kettı, – dedı Bergei Rysqaliev.
Eske salsaq, Bergei Rysqaliev 2006-2012 jyldar aralyǧynda Atyrau qalasy men Atyrau oblysynyŋ äkımı qyzmetın atqarǧan. 2013 jyly eks-äkımge asa ırı kölemde biudjet qarajatyn jymqyrdy jäne qylmystyq top qūrdy degen aiyp taǧylǧan bolatyn. Tergeu bes jylǧa sozylyp, 2019 jyly qazaqstandyq sot Bergei Rysqalievtı 17 jylǧa, onyŋ aǧasy, mäjılıstıŋ eks-deputaty Armanjan Rysqalievtı 16 jylǧa bas bostandyǧynan aiyrdy. Ekı ükım de syrttai şyǧaryldy. 2020 jyldyŋ jazynda qazaqstandyq sot Bergei Rysqalievtıŋ otbasy men jaqyndarynan tärkılengen mülıktıŋ «bır bölıgın» qaitarudy būiyrdy. Rysqalievtıŋ mülkın qaitaruǧa qatysty kassasiialyq şaǧymyn Qazaqstannyŋ Bas prokuraturasy berıp, ony Joǧarǧy sot tez arada maqūldady.
"Adyrna" ūlttyq portaly
