Aqtöbede Svetqali Nūrjannyŋ "Er Edıge" spektaklınıŋ premerasy öttı

3814
Adyrna.kz Telegram
https://adyrna.kz/content/uploads/2022/02/fee2e464-8edc-4d95-b6c9-feba9a47b4c9.jpg
Aqtöbe oblystyq drama teatrynda jazuşy Svetqali Nūrjannyŋ ssenariiı boiynşa Daniiar Bazarqūlov qoiǧan "Er Edıge" spektaklınıŋ premerasy öttı, dep habarlaidy "Adyrna" ūlttyq portaly. Etno-folklorlyq tarihi drama Edıge batyrdyŋ erlıgı men qazaq tarihynyŋ jarqyn kezeŋderı jaiynda baiandaidy. Aita keteiık, būl Edıge batyrdyŋ atyn şyǧarǧan alǧaşqy spektakl. Onyŋ qoiylymy Altyn ordanyŋ 750 jyldyǧyna arnalǧan.
"Oqiǧa Toqtamystyŋ han ordasynda örbidı. Toǧaibek hanym, Toqtamys hannyŋ äielı dalanyŋ ekı arysy – Toqtamys han men Edıge batyrdyŋ arasyn alauyzdap, olar dūşpanǧa ainalady. Spektaklde sondai-aq, Altyn Ordanyŋ soŋǧy, myzǧymas ämırşısı Ämır Temır men Edıge batyrdyŋ qarym-qatynasy da aitylady",- deidı rejisser Daniiar Bazarqūlov.
Qoiylymdaǧy tarihi oqiǧalar Edıgenıŋ erlıgın zamandas aqyndardyŋ jyrlauymen astasyp jatyr. Köpten kütken tūsaukeserde oblys äkımı Oŋdasyn Orazalin, sonymen qatar, spektakl avtory Svetqali Nūrjan, qūrmettı qonaqtar, sonyŋ ışınde elımızdıŋ özge öŋırlerınen kelgender boldy.
Oblys äkımı Oŋdasyn Orazalin tūsaukeserden keiın: "Bügın bız aituly oqiǧanyŋ kuäsı boldyq. Qoiylymnyŋ oqiǧa jelısı bızdıŋ tarihi jadymyzdy oiatady. Edıgenıŋ tarihtaǧy orny men maŋyzy älı künge deiın tolyq zerttelmegen. Soŋǧy jyldary Aqtöbe oblysynda ūly batyrdyŋ esımın jaŋǧyrtu jäne saqtau baǧytynda auqymdy jūmystar atqaryldy, iaǧni halyqaralyq ǧylymi-täjıribelık konferensiialar ötkızılıp, eskertkış ornatyldy, "Er Edıge - Noǧaily däuırınıŋ jyry" atty albom jinaǧy tanystyryldy. Öŋırde halyqtyŋ bai mädeni mūrasyn jüielendıru jäne özektılendıru boiynşa auqymdy jūmystar jalǧasatyn bolady",- dep atap öttı.
Aita ketu kerek, premera 18-20 aqpan aralyǧynda ötedı.   

"Adyrna" ūlttyq portaly.

Pıkırler