Bektau-Ata şatqalyna qauıp tönıp tūr. Öitkenı almatylyq «Däneker-Jol» JŞS 2022-2023 jyldary jol qūrylysy üşın tau sılemınen 1,5 million tonna tas aluǧa 500 tonnadan astam jarylǧyş zattardy qoldanudy josparlaǧan. Sonyŋ saldarynan audany 8 gektardan asatyn karer qalady eken, dep habarlaidy "Adyrna" ūlttyq portaly turkystan.kz-ke sılteme jasap.
Aita ketsek, Bektau-Ata Balqaş qalasynan soltüstıkke qarai 70 şaqyrym jerde, Qaraǧandy oblysynyŋ Aqtoǧai audanynda ornalasqan. Al tasty Bektau-Ata memlekettık tabiǧi zoologiialyq qoryǧyna jaqyn jerde öndıru josparlanypty. Būl onyŋ ekojüielerıne jäne turistık tartymdylyǧyna orasan ziian keltırmek.
Osyǧan orai, 21 aqpan künı saǧat 16:00-de QOÄB materialdarymen «Qaraǧandy oblysy Aqtoǧai audanyndaǧy Bektau magmalyq jynys ken ornynyŋ tau-ken jūmystarynyŋ jospary» jobasyn qarau boiynşa ZOOM platformasyndaǧy qoǧamdyq tyŋdau ötkızılgelı jatyr.
Konferensiia identifikatory: 6525596922, kıru kody: 0ycSYr
"Adyrna" ūlttyq portaly
