Belgılı aqyn Mūhtar Şahanovtyŋ tuǧan äpkesı Izet Şahanqyzy dünieden ozdy. Marqūmnyŋ jatqan jerı jaily, topyraǧy torqa bolsyn! Jüzge kelgen qariia şeşendıgımen köptı tamsandyrǧan. Qamshy.kz aqparat agenttıgı Izet Şahanqyzy turaly bırşama estelıktı oqyman nazaryna ūsynady.
«Qarttar üiınde tūramyn»
Qazaqtyŋ bırtuar daryndy ūly Mūhtar Şahanūlynyŋ tuǧan äpkesı Izet Şahanqyzy Şymkent qalasynda tūrady. Älı de tyŋ, tılge şeşen apamyzdyŋ äzılqoi, uytty sözderımen halyqty tanystyrǧymyz keldı. Qasqasuǧa aǧaiynşylap, qydyryp, alystan qonaqtar keledı. Būl auylda aqyn Mūhtar Şahanovtyŋ tuǧan äpkesı Izet apa tūratynyn estıgen Mūhtardyŋ öleŋın jatqa oqityn bıreuı: – Izet apanyŋ qolyn alyp, amandasyp şyǧaiyq – dep qolqa salsa, bärı qūp körıptı. Izet apa ülken ūly Amanbaidyŋ üiınde jür eken. Qonaqtar üige kırıp, amandasyp, şäi ışıp, äŋgıme-düken qūryp otyrǧanda qonaqtyŋ bırı: – Apa, kımnıŋ üiınde tūrasyz? – dep tosynnan sūraq qoiady. – Qarttar üiınde tūramyn – deidı qu tıldı apa. Qonaqtar aŋyrap, tüsınbei ün-tünsız qalady. – Ülken ūlym jetpısten asty, kelınım jetpıske keldı. Ekeuı de şal men kempır, taiaq süienıp jüredı. Men de taiaq süienıp olarǧa qosylǧanda, qarttar üiı bolmaǧanda nesı qaldy? – dep bır küldırgen eken.Menıŋ jasymdy bermesın. . .
Izet apa Qalampyr degen qyzynyŋ üiınde otyrsa, auyldyŋ qatyn-qalaştary jiylyp qalady. As ışıp, tarqar kezınde: – Apa, bızge sızdıŋ jasyŋyzdy bersın! Cızdıŋ jasyŋyzǧa jetu bız üşın arman, baqyt ǧoi – deidı bärı bırauyzdan şulap. – Menıŋ jasyma jetseŋ jetısersıŋ, – dep apa düŋk etkızedı. Şulap tūrǧandar jym bolady. Bärıne baǧdarlap, bır qarap alady da: – Menıŋ jasymdy bermei-aq qoisyn. Tūrsam otyra almaimyn, otyrsam tūra almaimyn. Tört aiaqtap jürgennıŋ nesı jaqsy? – deptı aşy mysqylmen.Ottai beredı. . .
Bır jiynda qonaq bolyp kelgen Izet apaǧa: – Äje, jüzge kelıŋız, şöpşek körıŋız, baqytty bolyŋyz – Dep üi iesı alǧysyn bıldırıp jatady. Sonda Izet apa: – Mūndai tılegıŋe maǧan qaraityn kelınnıŋ ne aitqysy keletının estıgıŋ kele me? – İä, deptı üi iesı. – Essız qalǧyr, özderı baqpaityn bolǧasyn ottai beredı eken-au deidı ol, – dep jeŋıl jymiypty apamyz.Kımge berdıŋ?
Izet apa nemere kelının tüsırıp, toi ötedı. Ekı jaq bır-bırıne qalyŋ malyn tapsyryp, kitın bölısıp, käkır-şükır tauarlaryn almasyp, qyzdyŋ törkınınen kelgender qoştasyp jatady. Izet apaǧa qyzdyŋ şeşesı: – Al, qūdaǧi, denıŋız sau bolyp, jastardyŋ aldynda qaraiyp jüre berıŋız. Qyzymdy tūmsyqtyǧa şoqytpai, qanattyǧa qaqtyrmai mäpelep, qaǧyp, baǧyp ösırdım. Qyzymdy qyzyŋyzdai körıŋız, sızge tapsyrdym – deptı. – Qūdaǧi, qyzyŋdy maǧan nesıne tapsyrasyŋ? Jasym seksen altyda, – deptı apa. Sasyp qalǧan qūdaǧiy qyzaryp ketedı. – Qyzyŋdy kımge berdıŋ, soǧan tapsyr, – dep jūrtty bır küldırıptı.
