Ötken demalysta Temırtau qalasynyŋ köpbeiındı ana men bala ortalyǧynda näreste mert boldy. Bosanǧan äieldıŋ aituynşa, medisinalyq kömek uaqytyly körsetılmegendıkten, ol tūryp bosanǧan, sodan näreste edenge qūlaǧan. Äiel qyzynyŋ ölımıne medisina qyzmetkerlerınıŋ kınälı ekenın däleldeuge niettı, dep habarlaidy "Adyrna" ūlttyq portaly Tengrinews.kz-ke sılteme jasap.
33 jastaǧy Aijan Şahmanova Köpbeiındı analar men balalar ortalyǧyna 19 aqpanda tüsken. Äiel jüktılıgınıŋ 40-şy aptasynda edı. Būl Aijannyŋ üşınşı närestesı. Onyŋ ülken balalary 12 jäne 11 jasta.
"Säbiımızdı asyǧa küttık, ony Aişa dep ataǧymyz keldı. Men auruhanaǧa şamamen 23.30-da tüstım. Qabyldau kezınde bärı jaqsy boldy, jürek soǧysy qalypty, tolǧaq ortaşa, är bes minut saiyn. Maǧan taŋǧa jaqyn bosanatynymdy aitty. Şamamen 01.50-de tolǧaq jiılei tüstı. Qaitadan ūryqqa kardiotokografiia jasady, säbidıŋ jürek soǧysyn tyŋdady, oryndyqta tekserdı. Sol kezde bosanatynymdy aityp aiǧailaǧan edım. Bıraq olar tekseruden ötıp jatqan basqa äieldermen bırge bosanu zalyna aparatynyn aitty. Men tolǧaq bastaldy dep aiǧailadym, bıraq menı tyŋdaǧan adam joq, elemedı", - dedı Aijan.Liftıde äielden qaǧanaq suy ketken. Bosanu bölmesıne de özı baruǧa mäjbür bolǧanyn aitty. Bölmege kıre bergende taǧy da tolǧaq qysyp, tösekke jarty metr qalǧanda bosanyp qoiǧan.
"Tolǧaq bastalǧanda bosanaiyn dep jatqanymdy aityp aiǧailadym. Endı tösekke qolym tie bergende ışımnen näreste şyǧyp, edenge qūlap tüstı. Odan ärı linoleummen taǧy jarty metrge domalap kettı... Janymdaǧy mamandar, şamamen 5-7 adam: "Ne ıstep jatyrsyz, ne ıstep jatyrsyz" dep aita bastady... Men kım kımge ne aityp jatqanyn tüsınbedım... Medisina qyzmetkerlerı qobalji bastady, bala eşqandai dybys şyǧarmady. Kındık kesılmedı, ol menen ajyrap kettı", - deidı Aijan.Odan ärı Aijannan qan kete bastap, anesteziia salynǧan. Ol oianǧanda telefon berılmei qoiǧanyn aitty. Taŋerteŋ ǧana ūialy telefonyn alyp, 102 nömırıne qoŋyrau şalǧan. Bosanǧan äieldıŋ aituynşa, polisiia qyzmetkerlerı balanyŋ ölımı turaly därıgerlerden emes, odan bılgen.
"Perzenthana bala ölgenın polisiiaǧa habarlamaǧan. Qyzmetkerdı de men jatqan reanimasiiaǧa ötkızgısı kelmedı. Men bolǧan oqiǧaǧa kınälı ärbır medisina qyzmetkerı jazalanǧanyn qalaimyn. Öitkenı eşqandai patologiia bolǧan joq, toǧyz ai qyzymdy köterıp, küttım, armandadym", - deidı äiel.Temırtau qalasynyŋ Köpsalaly ana men bala ortalyǧy atalǧan derek boiynşa qazırgı uaqytta qyzmettık tergeu jürıp jatqanyn habarlady. Qaraǧandy oblysynyŋ Densaulyq saqtau basqarmasy ökılı öŋırlık Medisinalyq jäne farmasevtikalyq baqylau departamentı tarapynan tekseru jürgızuge bastama jasaitynyn atap öttı. Qaraǧandy oblysy polisiia departamentınıŋ baspasöz qyzmetı de jaǧdaiǧa tüsınık berdı.
"Būl derek polisiiada tırkeldı. Qajettı saraptamalar taǧaiyndaldy. Tergeu jürıp jatyr", - dedı vedomstvo ökılderı.
"Adyrna" ūlttyq portaly
