Endi kishigirim aqparattardy qorytsaq.
Reseı áskeri basyp kirip, soqqyny zymyran jáne áýe kúshteri arqyly jasady. Alǵashqy soqqylar áskerı qoımalar, áýejaı men áskerı nysandarǵa, beketterge jasaldy. Artynsha Donek pen Lýgansk mańyndaǵy separatıster shabýylǵa shyqty. Reseı men separatıster jappaı artıllerııalyq soqqy jasaýdy iske asyrdy.
Halyqta úreı, qorqynysh, senimsizdik paıda boldy. Áskerde emes, qarapaıym halyqta. Árıne, kez kelgen soǵystyń bastaýy solaı bolady. Jelini jappaı jalǵan aqparat kezip ketti. Eki tarap ta óz shyǵyndaryn azaıtyp, qarsy taraptyń shyǵynyn kóbeıtip kórsetýde. Ol túsinikti de.
Endi mine soǵys shogynan halyq ta, bılik te, ásker de es jııa bastaǵandaı. «Úsh kúnde kórge de úırenesiń» degendeı úsh saǵat ótken soń shok áseri aqyryndap ketýde. Alǵashqy soqqylar osylaı bolatyny belgili de edi. Endi mindet qandaı? Aldymen áskerdiń rýhyn túsirip almaý kerek. Ol úshin «basshylyq elden ketti» degen jalǵan aqparattar shyqqan sátte, birden prezıdenttiń tikeleı efırdegi úndeýi jaýap bolýy tıis. Ekinshiden qorǵanystan shabýylǵa ótýdi qarastyryp jatyr dep úmittenemin. Jaý áskeriniń shyǵynyn barynsha foto-vıdeo arqyly taratyp, basqynshy áskeriniń rýhy men Reseı halqynyń kóńil-kúıine áser etý mańyzdy. Ýkraına áskeri qorǵanys qabiletin joǵaltyp almaı, basqynshy taraptyń jaıaý áskeri kirýine deıin shydasa, sol sátte jaýǵa jaqsy soqqy berýge bolady dep oılaımyn.
"Adyrna" ulttyq portaly
