Şymkentte jalpy qalalyq senbılık öttı

Şymkent qalasynda «Aǧaş otyrǧyzu - ekologiiaǧa öz ülesıŋdı qosu» atty jalpy qalalyq senbılık öttı. Tazalyq jūmysyna qala tūrǧyndary, käsıporyndar, mekemeler men ūiymdardyŋ qyzmetkerlerı belsendı qatysty. Olarmen köp qabatty tūrǧyn üi aulalary men jeke sektorlardaǧy köşelerde tazalau jūmystary jürgızıldı. Jalpy qalalyq senbılıkke 30 myŋnan asa adam qatysyp, 110 tehnika jūmyldyryldy. Sonymen qatar, qalalyq jaily ortany damytu basqarmasy, Abai audanynyŋ äkımdıgı, «Vuild Stroud» mekemesınıŋ qyzmetkerlerı jäne Qazyǧūrt şaǧyn audanynyŋ tūrǧyndary bırlesıp memlekettık orman qory jerlerın qorǧau jäne tolyqtyru maqsatynda senbılık ötkızdı. Senbılık barysynda 4000 dana aǧaş köşetterı otyrǧyzyldy jäne aumaqty qoqystan tazalau jūmystary jürgızıldı. Ol jūmystarǧa 300 adam jūmyldyrylyp, 24 tehnika tartyldy. Sondai-aq, A.Asqarov atyndaǧy dendrologiialyq saiabaq aumaǧyna, atalǧan käsıporyn qyzmetkerlerınıŋ qatysuymen 2000 tüp qylqan japyraqty boz arşa (mojjevelnik) aǧaşy otyrǧyzyldy.