Memleket basşysy Nūrsūltan Nazarbaev qazaq tılın kirillisadan latyn qarpıne köşıru turaly jarlyqqa byltyr jyl soŋynda qol qoiǧan bolatyn. Jasyratyny joq, sodan berı körşı Resei halqy būl reformany qazaqtardan az talqylaǧan joq. Bırazy jaqtasa, köbı «orys älemınen alystap barasyŋdar» dep qabaq şytty. Al, künı keşe «Rossiia 1» telearnasynan tıkelei efirde şyǧatyn «Voskresnyi vecher» tok-şouynda orys saiasatkerlerı men telejürgızuşı Vladimir Solovev qazaqtyŋ tılın mazaq etıp, elde maidan boluy mümkın dep qorqytty.
Solovevtıŋ jeksenbılık keşı būl joly AQŞ pen jaqtastarynyŋ Siriiany atqylauyna arnaldy. Talqylau barysynda telejürgızuşı «Qazaqstan ne üşın būl tūrǧyda Reseidı jaqtap, sözın söilegen joq» degen mäsele köterdı. Este bolsa, Qazaqstan bilıgı osydan bırer kün būryn «Siriiadaǧy jaǧdai qarumen emes, saiasi-beibıt jolmen şeşıluı tiıs» degen pıkırın aitqan bolatyn. Al, orys saiasakerlerı men saiasattanuşylarynyŋ pıkırınşe, Qazaqstan bilıgı AQŞ-ty aiyptap, Siriia men Resei bilıgın «qolpaştauy» kerek eken.
Osylai dep qazaq körşılerıne renışterın bıldırgen Solovev pen onyŋ qonaqtary Qazaqstannyŋ Reseiden alşaqtap bara jatqanyn aitty. Tıptı, latyn alfavitıne köşuımızdı mazaq etıp, Qazaqstanda Ukrainadaǧydai maidan boluy mümkın degendı aityp qaldy.
«Qazaqstanmen bızdıŋ alians qandai özı? Olar nege ünsız qaldy bızge qoldau bıldırmei? Bız bılmeitın şyǧarmyz, bälkım aramyzdan qara mysyq kesıp ötken bolar? Älde kelesı maidannyŋ Qazaqstanda bolatynyn kütemız be?» - dedı telejürgızuşı Vladimir Solovev studiia qonaqtaryna.
«Ökınışke qarai, Qazaqstan täuelsızdık alǧan uaqyttan berı aqyryndap qazaqylanyp barady. Mäselen, 91-jylǧa deiın elde orystardyŋ sany köp bolsa, qazır az ūlttardyŋ bırıne ainaldy» - dep Zatulin ökınışımen bölıstı.
