Türkıstan qalasynda halyqaralyq talapqa sai sport keşenderı salynuda, – dep habarlaidy “Adyrna” ūlttyq portaly oblys äkımınıŋ baspasöz qyzmetıne sılteme jasap.
Öŋır basşysy Ömırzaq Şökeev bırqatar qūrylys nysanyn aralap, jūmys barysymen tanysty.
Bügınde öŋırde elımızde teŋdesı joq eskek esu bazasynyŋ qūrylysy jürıp jatyr. Mūnda eskek esuden oblysymyz ben elımızdıŋ ūlttyq qūramasy jatyǧyp qana qoimai, halyqaralyq dodalar ötedı dep josparlanyp otyr.
Nysan biyl paidalanuǧa berılmek. Oblys äkımı jobany jüzege asyru barysynda sudy ünemdeuge män beru kerektıgın eskerttı.
«Su şaruaşylyǧy mamandaryn şaqyryp, jan-jaqtan su tartudyŋ qosymşa közderın qarastyrudy tapsyramyn. Būl sporttyq jäne turistık keşende de su ünemdeu jüiesın qoldanu kerek», – dedı Ömırzaq Şökeev.Oblys äkımı odan keiın Bekzat Sattarhanov atyndaǧy sport keşenınıŋ qūrylys barysyn qadaǧalady. Ä.Nūrmahanov atyndaǧy olimpiada rezervınıŋ mamandandyrylǧan balalar-jasöspırımder sport mektebınıŋ ūjymy ornalasatyn būl nysan da biyl el igılıgıne tapsyrylmaq.
“Adyrna” ūlttyq portaly
