Túrkistan qalasynda halyqaralyq talapqa saı sport keshenderi salynýda, – dep habarlaıdy “Adyrna” ulttyq portaly oblys ákiminiń baspasóz qyzmetine silteme jasap.
Óńir basshysy Ómirzaq Shókeev birqatar qurylys nysanyn aralap, jumys barysymen tanysty.
Búginde óńirde elimizde teńdesi joq eskek esý bazasynyń qurylysy júrip jatyr. Munda eskek esýden oblysymyz ben elimizdiń ulttyq quramasy jatyǵyp qana qoımaı, halyqaralyq dodalar ótedi dep josparlanyp otyr.
Nysan bıyl paıdalanýǵa berilmek. Oblys ákimi jobany júzege asyrý barysynda sýdy únemdeýge mán berý kerektigin eskertti.
«Sý sharýashylyǵy mamandaryn shaqyryp, jan-jaqtan sý tartýdyń qosymsha kózderin qarastyrýdy tapsyramyn. Bul sporttyq jáne týrıstik keshende de sý únemdeý júıesin qoldaný kerek», – dedi Ómirzaq Shókeev.
Oblys ákimi odan keıin Bekzat Sattarhanov atyndaǵy sport kesheniniń qurylys barysyn qadaǵalady.
Á.Nurmahanov atyndaǵy olımpıada rezerviniń mamandandyrylǵan balalar-jasóspirimder sport mektebiniń ujymy ornalasatyn bul nysan da bıyl el ıgiligine tapsyrylmaq.
“Adyrna” ulttyq portaly
