BŪŪ Ukrainadaǧy beibıt tūrǧyndar arasynda qanşa adam qaitys bolǧanyn aitty , - dep habarlaidy “Adyrna” ūlttyq portaly Tengrinews.kz saityna sılteme jasap.
BŪŪ joǧarǧy komissarynyŋ adam qūqyqtary jönındegı basqarmasy (BŪŪ AQJKB) Twitter-degı resmi paraqşasynda 24 aqpanda soǧys bastalǧannan berı Ukrainada kemınde 227 beibıt tūrǧyn qaza tauyp, 525 adam jaraqat alǧanyn aitty.
"2022 jyly 24 aqpanda taŋǧy saǧat 4-ten Resei Federasiiasy Ukrainaǧa qarsy soǧys qimyldaryn bastaǧan kezden berı 2022 jyly 1 nauryz tün ortasyna deiın Ukrainada 752 adam qaitys boldy nemese jaraqat aldy. Sonyŋ ışınde 227 adam qaitys boldy (31 er adam, 25 äiel, 6 ūl jäne 3 qyz, sondai-aq, jynysy älı anyqtalmaǧan 6 bala jäne 156 eresek) jäne 525 jaraly (42 er adam, 33 äiel, 7 qyz jäne 2 ūl, sondai-aq, jynysy älı anyqtalmaǧan 19 bala jäne 422 eresek)", - delıngen qūjatta.
Beibıt tūrǧyndar arasynda qaza tapqan nemese jaraqat alǧan jaǧdailardyŋ sebebı auyr artilleriiadan, reaktiv zymyrandardan jäne äue soqqylarynan, jarylǧyş qūrylǧylardan bolǧan.
BŪŪ AQJKB naqty san äldeqaida joǧary dep sanaidy, būl aqparat qosymşa rastaluy qajet. Soǧys qimyldary jalǧasyp jatqan keibır jerlerden aqparat alu qiyn.
“Adyrna” ūlttyq portaly
