Ońtústik Koreıa AQSh-tyń Reseıge qarsy sankııalarynan bosatyldy. Onyń ornyna dál osyndaı deńgeıdegi eksporttyq baqylaý sharalaryn engizedi, dep habarlady Koreıa Respýblıkasynyń Saýda, ónerkásip jáne energetıka mınıstrligi.
Ońtústik Koreıa óndirýshilerin sheteldik tikeleı ónim erejesinen (FDPR) alyp tastaýǵa tyrysyp keledi. Oǵan sáıkes olardyń kompanııalary amerıkalyq tehnologııany paıdalana otyryp, shetelde taýar óndiredi. Sondaı-aq, Reseıge jóneltpes buryn AQSh-tan lıenzııa alý kerek. Ereje jartylaı ótkizgishter, kompıýterler, lazerler, baılanys jáne osyndaı jeti sanattaǵy 57 elementti qamtıdy.
Ońtústik Koreıanyń Saýda mınıstri Io Han Gý 3 aqpan kúni Vashıngtonda AQSh Saýda mınıstriniń orynbasary Don Greıvs jáne Baıden ákimshiliginiń basqa da joǵary laýazymdy tulǵalarymen birqatar keńes ótkizdi. AQSh Ońtústik Koreıanyń Reseı Federaııasyna qarsy sankııalaryn joǵary baǵalady. Sondaı-aq, halyqaralyq qoǵamdastyqtyń áreketterine sáıkes keletinlikten Ońtústik Koreıa FDPR-dan erekshelik alýy múmkin degen qorytyndyǵa keldi.
“Amerıkalyq tarap birneshe kún ishinde Ońtústik Koreıany FDPR erejesinen shyǵarylǵan elder tizimine qosady. Ońtústik Koreıa úkimeti AQSh pen halyqaralyq qaýymdastyqqa sáıkes keletin deńgeıde eksporttyq baqylaýdyń Reseıge qarsy qosymsha sharalaryn júzege asyrady», - delingen mınıstrlik habarlamasynda.
Agenttiktiń pikirinshe, bul ońtústik koreıalyq kompanııalar úshin «belgisizdikti» azaıtady. Olar sankııalarǵa ushyraǵan taýarlar úshin eksportqa ruqsat alýy kerek. Biraq ony AQSh-tyń aralasýynsyz Ońtústik Koreıa úkimetinen alady.
Sondaı-aq, AQSh Saýda mınıstrligi Ońtústik Koreıa tarapyna Ońtústik Koreıada jasalǵan smartfondar, qurastyrylǵan kólikter, kir jýǵysh mashınalar jáne basqa da «tutyný taýarlary» FDPR-ǵa sáıkes keletinin rastady. Alaıda olar Reseı Federaııasynyń áskerı qajettilikteri úshin jetkizilmeıdi.
“Adyrna” ulttyq portaly
