Reseı prezıdenti Vladımır Pýtın Ýkraınaǵa qarsy soǵysqa basqa elderdi, atap aıtqanda Ujymdyq qaýipsizdik shart uıymyna (UQShU) múshe memleketterdi tartqysy keledi, dep jazady "Adyrna" ulttyq portaly orda.kz-ke silteme jasap.
Bul týraly telemarafon efırinde Ulttyq qaýipsizdik jáne qorǵanys keńesiniń hatshysy Alekseı Danılov málimdedi.
– Bizdiń barlaý mynadaı málimetterdi usynady: Pýtın shynymen de UQShU elderin ózine tartqysy keledi: qyrǵyzdar, ózbekter jáne basqa ulttar. Eger biz bul týraly aıtsaq, bul múldem qabyldanbaıdy. Qazir olar Qıyr Shyǵystan adam jınap jatyr degen aqparat bar. Ýdmýrttar men ıakýttar qazirdiń ózinde eriksiz jınalyp jatyr. Óıtkeni soǵysqysy keletinder onsha kóp emes, – dedi Danılov.
UQShU-ǵa múshe memleketter – Reseı, Belarýs, Qazaqstan, Armenııa, Qyrǵyzstan jáne Tájikstan.
Eske salsaq, Reseı prezıdenti Vladımır Pýtın Donbas respýblıkalary basshylarynyń úndeýine jaýap retinde arnaıy áskerı operaııa júrgizý týraly sheshim qabyldap, Ýkraınaǵa qarsy soǵys jarııalady. Alaıda Reseı basshysy Máskeýdiń josparynda Ýkraına aýmaqtaryn basyp alý joq ekenin aıtqan bolatyn.
2 naýryz kúni tańerteńgi jaǵdaı boıynsha Reseı áskeri 5840 adamnan aıyryldy. Sondaı-aq 60-tan astam ushaq pen tikushaq, 862 bronetransporter, 85 artıllerııalyq júıe jáne basqa da kóptegen tehnıka joıyldy. 28 aqpandaǵy jaǵdaı boıynsha 352 beıbit turǵyn, onyń ishinde 16 bala qaza taýyp, 2040 adam jaraqat aldy.
Ýkraına prezıdenti Vladımır Zelenskıı Reseı áskeriniń shabýyldyń alǵashqy saǵattarynan bastap azamattyq ınfraqurylymǵa soqqy berip jatqanyn aıtty. Prezıdenttiń aıtýynsha, Reseı basqynshy áskerleriniń Ýkraınadaǵy áreketterinde genoıd belgileri bar.
27 aqpanda Ýkraına «basqynshylyqty aqtaý úshin genoıd uǵymyn burmalaǵany úshin Reseıdi jaýapqa tartýdy» talap etip, Halyqaralyq sotqa Reseıge qarsy shaǵym túsirdi. Reseıdiń Ýkraınaǵa basyp kirýine qatysty tergeýdi Halyqaralyq qylmystyq sottyń prokýrory Kárim Hannyń ózi bastady.
"Adyrna" ulttyq portaly
