Ükımetten ainalaiyn, käsıpkerlerdı qoldap otyr ǧoi! Oilana kelıp, özımızdıŋ avtomobil öndırısın aşqym keldı! Şeteldıŋ köşırmesı emes, özımızdıŋ! Ne bolsa da, özımızdıkı bolǧanǧa ne jetsın! Bır tanysym şege sehyn aşyp, bankrot boldy. Ol şegenıŋ ekı jaǧyn da, balǧamen ūratyn jalpaq bas etıp şyǧara bergen ǧoi. Al, menıŋ bolaşaqtaǧy avtomobilım super! Jobasyn jasap qoidym!
Otandyq avtomobilımnıŋ aty «Qazaqiia» dep atalady. Kapoty tört metr. Nege deisızder me? Aldynda tört motory bar. Jolda kele jatyp, bır motory ısten şyqsa, eknışısı avtomatty türde ıske qosylady. Ol būzylsa, üşınşısı degendei... Ekı rulı bar, şarşasaŋyz, janyŋyzda esınep otyrǧan eneŋız aidap kete beredı. Keremet emes pe? Artynda da rulı bar. Qaiyrylyp jürmeisız, artynda otyrǧan äielıŋ aidap kete beredı. Rahat! Başkatyimyn ǧoi! Al, jūrt şege şyǧara almaidy! Sosyn, avtomat, tejegış degen joq! Şalqaiyp otyryp alyp, distansiialyq basqaru pultımen aidai beresız. Rul özınen özı būryla beredı, qalasaŋyz, ūstap otyryŋyz. Elımızde mūnai köp, benzin tapşy.
Sondyqtan, bır qasyq airanmen alpys kilogramm, oi, kilometr jüresız. Oi, nesıne külesız? Öte arzan bolady. Bar joǧy bır million teŋgege satyp alasyz! Sol üşın, betımnen süiıp qoiyŋyzdarşy!
Mūhtar ŞERIM
