Úkimetten aınalaıyn, kásipkerlerdi qoldap otyr ǵoı! Oılana kelip, ózimizdiń avtomobıl óndirisin ashqym keldi! Sheteldiń kóshirmesi emes, ózimizdiń! Ne bolsa da, ózimizdiki bolǵanǵa ne jetsin! Bir tanysym shege ehyn ashyp, bankrot boldy. Ol shegeniń eki jaǵyn da, balǵamen uratyn jalpaq bas etip shyǵara bergen ǵoı. Al, meniń bolashaqtaǵy avtomobılim sýper! Jobasyn jasap qoıdym!
Otandyq avtomobılimniń aty «Qazaqııa» dep atalady. Kapoty tórt metr. Nege deısizder me? Aldynda tórt motory bar. Jolda kele jatyp, bir motory isten shyqsa, eknishisi avtomatty túrde iske qosylady. Ol buzylsa, úshinshisi degendeı... Eki rýli bar, sharshasańyz, janyńyzda esinep otyrǵan eneńiz aıdap kete beredi. Keremet emes pe? Artynda da rýli bar. Qaıyrylyp júrmeısiz, artynda otyrǵan áıeliń aıdap kete beredi. Rahat! Bashkatyımyn ǵoı! Al, jurt shege shyǵara almaıdy! Sosyn, avtomat, tejegish degen joq! Shalqaıyp otyryp alyp, dıstanııalyq basqarý pýltimen aıdaı beresiz. Rýl ózinen ózi buryla beredi, qalasańyz, ustap otyryńyz. Elimizde munaı kóp, benzın tapshy.
Sondyqtan, bir qasyq aıranmen alpys kılogramm, oı, kılometr júresiz. Oı, nesine kúlesiz? Óte arzan bolady. Bar joǵy bir mıllıon teńgege satyp alasyz! Sol úshin, betimnen súıip qoıyńyzdarshy!
Muhtar ShERIM
