Antikor qyzmetkerlerın quǧan patruldık polisiia ekipajy Qaraǧandy oblysyndaǧy qyzmetınen bosatyldy. Poliseilerdıŋ bırı beineündeu jasady , dep habarlaidy "Adyrna" ūlttyq portaly Tengrinews.kz-ke sılteme jasap.
Videoda polisei özın Jaŋabek Jūmabekpın deidı. Onyŋ aituynşa, 2019 jyldan bastap Jaŋaarqa audanynyŋ polisiia bölımınde jūmys ısteidı. Poliseidıŋ sözınşe, Antikor qyzmetkerın quǧanna keiın ol qyzmetınen bosatylǧan.
"29 qaŋtarda Sybailas jemqorlyqqa qarsy qyzmet qyzmetkerı mas küide kölık jürgızıp, jol apatyna ūşyrady, keiın oqiǧa ornynan qaşyp kettı. Ony toqtatqan kezde alkogol deŋgeiın ölşeitın qūrylǧyǧa ürleuden bas tartty. Qyzmettık ökıletın asyra paidalanyp, qyzmetkerlerdı qorqytuǧa tyrysty, olarǧa bylapyt söz aitty. Būl videoǧa jazylǧan. Osydan keiın ol qan tapsyrdy, ortaşa mas ekenı anyqtaldy. Bıraq osyǧan qaramastan, basşylyq bızden hattama jasamaudy jäne nomenklaturalyq ıske jazbaudy talap ettı. Olardyŋ bırı - ūstalǧan adamnyŋ qūdasy. Bız bolǧan oqiǧany jasyrmadyq, ony joǧary basşylyqqa jetkızdık. Osydan keiın menı jäne menıŋ serıktesımdı qyzmetten zaŋsyz bosatty", - deidı polisiia qyzmetkerı özınıŋ videoündeuınde.https://youtu.be/yRUQE8ia1nw Sondai-aq, polisei Antikor qyzmetkerıne qatysty älı künge deiın eşqandai şara qoldanylmaǧanyn mälımdedı. Ol jaǧdaidy anyqtap, ädılet ornatudy sūrady. Sonymen qatar, polisiia qyzmetkerı būǧan deiın eşqandai tärtıptık jazaǧa tartylmaǧanyn jäne adal jūmys ıstep kelgenın aitty. Qaraǧandy oblysy polisiia departamentınıŋ baspasöz qyzmetı poliseidıŋ videoündeuıne tüsınık berdı. Vedomstvo ökılderı atqaryp otyrǧan lauazymynan bosauy onyŋ jūmystan şyqqany emes ekenın atap öttı.
"Jaŋaarqa audanynyŋ polisiia bölımınıŋ qyzmetkerlerıne qatysty qyzmettık tergeu jürgızıldı. Oǧan äkımşılık ıs jürgızu boiynşa qyzmettık materialdar men däleldemeler tüsırılgen beineojeton jazbasyn taratqany, normativtık emes leksika qoldanǧany jäne memlekettık qyzmetşınıŋ etikasyn būzǧany sebep boldy. Tergeu nätijelerı boiynşa patruldık polisiia ekipajy tärtıptık jazaǧa tartylyp, atqaryp otyrǧan lauazymynan bosatyldy. Būl qyzmetkerlerden basqa, olardyŋ tıkelei basşylary da lauazymdarynan bosatyldy", - dep habarlady vedomstvo ökılderı.Sondai-aq, baspasöz qyzmetındegıler polisei artynan quǧan 38 jastaǧy jürgızuşıge qatysty äkımşılık material sotqa jıberılgenın qosty. Eske salaiyq, oqiǧa Jaŋaarqa audanynda bolǧan. Video avtorlary jasyrynyp qaluǧa tyrysqan kölıkte Sybailas jemqorlyqqa qarsy qyzmettıŋ jezqazǧandyq qyzmetkerı mas bolǧanyn aityp otyr.
"Adyrna" ūlttyq portaly
