Ūlttyq qauıpsızdık komitetı 2 nauryzdan berı ız-tüzsız ketken sarbazǧa ızdeu saldy, dep habarlaidy "Adyrna" ūlttyq portaly ŪQK baspasöz qyzmetıne sılteme jasap.
ŪQK şekara qyzmetınıŋ Jambyl oblysy boiynşa departamentı 2 nauryzda joǧalyp ketken «Andas batyr» şekara bölımşesınde merzımdı qyzmet atqaryp jürgen äskeri qyzmetşı, qatardaǧy jauynger Ūlyqbek Aidarbekūly Berdişevtı ızdep jatyr.
Izdeuge Jambyl oblysy boiynşa şekara qyzmetınıŋ departamentı men polisiia departamentınıŋ küş-qūraldary jūmyldyrylǧan.
«Osy fakt boiynşa tergeu ıs-qimyldary men qyzmettık tergep-tekseru jürgızılude. Ū. Berdişevke qatysty qandai da bır aqparatqa ie bolǧandardyŋ barlyǧyna myna telefon nomerlerı arqyly – 110 (ŪQK senım telefony), 87172719458 (Şekara qyzmetınıŋ senım telefony) habarlaudy sūraimyz»,- dep jazylǧan habarlamada.
"Adyrna" ūlttyq portaly
