6 nauryzda Ukrainanyŋ İrpen qalasynda atys kezınde akter, telejürgızuşı, änşı jäne muzykant Paşa Li köz jūmdy, dep habarlaidy “Adyrna” ūlttyq portaly Stan.kz saityna sılteme jasap.
"Bırge suretke tüsıp te ülgermedık. Jatqan jerıŋ jaily bolsyn", – dep jazdy ukrainalyq advokat jäne jurnalist Iаroslav Kus öz Facebook paraqşasynda.
Paşa Lidıŋ tanysy änşı Kamaliianyŋ sözınşe, qaladaǧy atys kezınde akter özınıŋ brondy keudeşesın şeşıp, onymen balalardy jauyp qalǧan. Paşa men Kamaliianyŋ moderatory Dmitrii auyr jaraqat alǧan.
"Menıŋ moderatorym Dima qūrsaq bölıgıne, arqasynan, ekı aiaǧynan auyr jaraqat alǧan. Olar Paşa Limen bır batalonda qyzmet etken. İrpende örtenıp jatqan üiden adamdardy evakuasiialau kezınde ekeuı de auyr jaraqat aldy. Özı brondy keudeşelerın şeşıp, balalardy oqtan qorǧady. Barlyq 9 bala dın-aman. Ökınışke orai, Paşa Lidı qūtqara almady. Ukrainalyq batyrlar jasasyn", – dep jazdy Kamaliia.
Paşa Li 33 jasta bolǧan. Jaqynda ol Ukraina Qaruly küşterınıŋ aumaqtyq qorǧanysy qataryna qosylǧan.
"Paşa Li – keremet akter, talantty jäne meiırımdı adam, ärqaşan bızben bırgesıŋ. Sen men bıletın eŋ keremet özge planetalyq edıŋ. Bügın özıŋnıŋ ädıldık pen jaryq planetaŋa ūşyp kettıŋ. Paşa İrpende oqqa ūşty. Mäŋgı esımızdesıŋ", – dep jazdy muzykant Dmitrii Şurov.
Paşa Li 1988 jyly 10 şıldede Evpatoriia qalasynda düniege kelgen. Ol “Ştolnia”, “Teni nezabytyh predkov”, Vstrecha odnoklassnikov”, “Provinsial” jäne t.b. filmderde oinaǧan.
“Adyrna” ūlttyq portaly
