«Uly dala altyny» ekspozıııasy 2021 jyly álemdegi eń úzdik bes kórmeniń qataryna endi. Bul búkil álemdik tarıhı qoǵamdastyq úshin aıtýly oqıǵa boldy. Aıta ketken jón, bul kórme Ulybrıtanııa halqyna óshpes áser qaldyrdy.
«Apollon» halyqaralyq bedeldi óner jýrnaly 2021 jylǵy álemdegi eń úzdik bes kórmeni anyqtady. Onyń ishinde «Uly dala altyny» da bar. Bul kezdeısoq jeńisimiz emes, naqty fakt. Kórmede usynylǵandardyń ishinde Shyǵys Qazaqstannan alynǵan jádigerler kóshpeliler órkenıetiniń ejelgi qazynasy bolyp tabylady.
Kórmeniń Ulybrıtanııany naǵyz dúr silkindirgeninde úlken jatyr.
Óıtkeni, bizdiń bilimdi arheologtar materıaldardy muqııat jınap, daıyndaǵan 15 myń artefakti ejelgi saqtardyń – qazirgi shyǵysqazaqstandyqtardyń ata-babalarynyń tarıhynda múlde jańa betterdi ashty.
Qazynalar jasy úsh myń jylǵa jýyq. Biraq, qyzyq tek bul ǵana emes.
Osylaısha, The Guardian gazeti ekspozıııaǵa 5/5 degen baǵa berip, ony «tamasha» dep baǵalady. Telegraph gazeti (aı saıynǵy ortasha eseppen aıyna 12,2 mıllıon adam) ony 4/5 dep baǵalap, «keremet» dep tańqalysyn bildirdi.
«Bul birneshe aı buryn ǵana tabylǵan nysandardyń arqasynda álem tarıhyn qaıta jazýdyń erekshe múmkindigi. Kembrıdjde biz úshin eń mańyzdysy jádigerlerdiń ózin ǵana emes, sonymen birge Qazaqstanda qoldanylǵan búkil arheologııalyq úderis pen saraptamany kórsetý», - dedi Fıvılıam murajaıynyń dırektory Lıýk Saıson kórmeniń ashylýynda.
Aıta ketý kerek, bul Eýropada birinshi ret uıymdastyrylyp otyrǵan shara – «Uly dala altyny» jurtshylyq arasynda shynaıy qyzyǵýshylyqty týdyrdy, óıtkeni kórmege 25 myńnan astam adam kelip, tamashalady. Bedeldi eýropalyq basylymdar kórmeniń tańǵalarlyq áser qaldyrǵanyn atap ótti.
Shyǵys Qazaqstan oblysynyń ákimi Danıal Ahmetov kórmeniń ashylýyna arnaıy ózi qatysty. Aıtýynsha, ekspozıııada babalar qolynan shyqqan shynaıy jaýharlar usynylǵanyn jáne bul týyndylar ejelgi saqtardyń kóshpeli sharýashylyq salasynda qaıtalanbas mádenıeti men tereń bilimi bolǵanyn dáleldegen.
Oblystyq mýzeı qory 26 myń biregeı jádigermen tolyqty, olardyń bir bóligi «Uly dala altyny» ekspozıııasynda qoıylǵan.
Aıta ketý kerek, 2022 jyly Shyǵys Qazaqstanda arheologııalyq jumystardy jalǵastyrý josparlanýda.
“Adyrna” ulttyq portaly
