Bas prokýratýra "Tasmaǵambetovke qatysty tergeý jumystary týraly" aqparatqa túsinikteme berdi, - dep habarlaıdy "Adyrna" tilshisi Bas prokýratýranyń baspasóz qyzmetine silteme jasap.
«Áleýmettik jelilerde Bas prokýratýranyń vedomstvoaralyq tergeý toby I.N.Tasmaǵambetovke qatysty onyń «Astana LRT» JShS-da qarjy jymqyrýǵa qatysy bar faktisi boıynsha tekserý júrgizgeni týraly habarlama taralýda.
Bas prokýratýra bul aqparat shyndyqqa janaspaıdy dep habarlaıdy.
Biz azamattardy tek resmı aqparat kózderine senýge shaqyramyz.
Imanǵalı Tasmaǵambetov dırektorlar keńesiniń múshesi, 2021 jyldyń maýsymynda KAMAZ táýelsiz dırektory bolyp saılandy.
Tasmaǵambetov 1993 jyldan 1995 jylǵa deıin Qazaqstan Prezıdentiniń kómekshisi, 1995 jyldan 1997 jylǵa deıin Premer-Mınıstrdiń orynbasary qyzmetin atqardy. Sondaı-aq ártúrli ýaqytta Prezıdent Ákimshiligi Basshysynyń orynbasary jáne Prezıdenttiń Birinshi kómekshisi qyzmetterin atqardy. 2002 jyly premer-mınıstr, 2003 jyly memlekettik hatshy bolyp taǵaıyndaldy. Keıin Almaty qalasynyń ákimi (2004-2008), elorda ákimi (2008-2014) boldy.
2014 jyldyń 22 qazanynda Tasmaǵambetov Qazaqstannyń Qorǵanys mınıstri bolyp taǵaıyndaldy. 2016 jyldyń 13 qyrkúıeginde Premer-Mınıstrdiń orynbasary boldy. 2017 jyldyń 3 aqpanynan bastap Reseıdegi Tótenshe jáne Ókiletti Elshi qyzmetin atqardy. 2019 jyly jeltoqsanda Imanǵalı Tasmaǵambetov zeınetkerlik jasqa tolýyna baılanysty Qazaqstannyń Reseıdegi elshisi qyzmetinen bosatyldy.
"Adyrna" ulttyq portaly
