"Agressor" eldıŋ basşysy Ukraina basşysymen betpe-bet kezdesuge janama kelısım bergenımen, Ukrainaǧa qarsy bastalǧan soǧysty toqtatqysy kelmeidı. Soǧystyŋ ekı jaqtan da qanşa şyǧyn äkeletını Putindı qyzyqtyrmaidy. Būl pıkırdı Stenford universitetınıŋ professory Maikl Makfol «Ukraina 24» arnasyna bergen sūhbatynda bıldırdı.
Aita ketu kerek, ol köp jyldar boiy postkeŋestık keŋıstıktı zerttegen, 2014 jylǧa deiın Resei Federasiiasyndaǧy Amerika elşısı jäne AQŞ-tyŋ 44-şı prezidentı Barak Obamanyŋ ūlttyq qauıpsızdık mäselelerı boiynşa kömekşısı bolǧan.
Professor älı soǧys qimyldaryn toqtatu üşın alǧyşarttar joq ekenın atap öttı.
"Putin älı de jeŋıske jetetınıne senedı. Ärine, ol kütkennen de baiau, degenmen şabuyl jalǧasuda", - dedı Maikl Makfol.Onyŋ aituynşa, Resei Federasiiasynyŋ basşysyna qanşa ukrainalyq nemese onyŋ sarbazdary öletını maŋyzdy emes. Mūny Ukrainada tūratyn orystar jaqsy tüsınedı. Sonymen bırge «Ukraina qalalaryn faşisterden azat etıŋder» degen bos sözge senetın Resei Federasiiasynyŋ azamattary da az emes. Makfol būl nasihatpen küresuge şaqyrdy.
"Soǧys ekı jolmen aiaqtalady: ne bıreu jeŋedı, ne maidandaǧy jaǧdai bäseŋdep, eşkım alǧa jylji almaidy. Menıŋ oiymşa, Putin jeŋgen joq jäne jeŋe de almaidy. Bıraq äskeri jaǧdaidy tūraqtandyru älı de joq",-dep tolyqtyrdy AQŞ-tyŋ Resei Federasiiasyndaǧy būrynǧy elşısı.https://youtu.be/onqx-Zr69WE
"Adyrna" ūlttyq portaly
