AQŞ-tyŋ Ukrainadaǧy uaqytşa senımdı ökılı Kristina Kvin Resei prezidentı Putinnıŋ Ukrainany basyp alu jospary sätsız aiaqtaldy dep mälımdedı. Sondyqtan "agressor" eldıŋ köşbasşysy Batys elderıne şabuyl jasap, ses körsete bastady. Onyŋ aituynşa, qazır Kremldıŋ ritorikasy tek şielenıs deŋgeiın köteredı, dep jazady "Adyrna" ūlttyq portaly.
Kvin Putinnıŋ Ukrainanyŋ Qaruly küşterı men aumaqtyq qorǧanysynan mūndai qarsylyq kütpegenın atap öttı. Sonymen bırge ol AQŞ prezidentı Djo Baiden eger Resei Federasiiasy NATO territoriiasyna bır qadam jasaityn bolsa, jauap qaitaramyz dep qorqytqanyn basa aitty.
«Bırınşıden, men prezident Putin Batys elderıne şabuyl jasap, qorqyta bastaǧanyn aitqym keledı, öitkenı onyŋ Şyǧys jäne Ortalyq Ukrainany basyp alu äreketı sätsız aiaqtaldy. Putin 10 kün ışınde bükıl Ukrainany basyp alyp, soǧysty aiaqtaimyn dep oilady. Älbette, ol özı kütkennen äldeqaida myqty Ukraina Qaruly Küşterınıŋ qarsylyǧyna tap bolǧany anyq. Sondyqtan bolar, qazır prezident Putin narazy jäne ritorikaǧa jügınude, būl ıs jüzınde şielenıs deŋgeiın aitarlyqtai köteredı. Batys elderıne qarsy jasalǧan zymyran soqqylary turaly aityp otyrmyn. Prezident Baiden naqty tüsındırdı: eger Prezident Putin NATO-ǧa tıptı bır qadam jasaityn bolsa, Soltüstık Atlantikalyq Kelısım Ūiymy jauap beredı. Bız jaǧdaidy mūqiiat qadaǧalap otyrmyz jäne Putin mūndai äreketterge barmaidy dep ümıttenemız", – dedı Kvin.
"Adyrna" ūlttyq portaly
