QR Prezidentı Qasym-Jomart Toqaev 16 nauryzdaǧy Joldauynda qaŋtar aiynda «töŋkerıs jasauǧa ūmtylǧandardyŋ arasynda belgılı adamdar bolǧanyn, joǧary lauazym ielerı memleketke satqyndyq jasaǧanyn» aitty. Bıraq basty ūiymdastyruşynyŋ esımı älı atalǧan joq. Belgılı qoǧam qairatkerı Seidahmet Qūttyqadam men Mäjılıs deputaty Berık Äbdıǧaliūly ıstıŋ basynda Tūŋǧyş Prezident tūr degen boljamǧa köbırek senetınderın alǧa tartady. Būl turaly olar Qasqa Jol Youtube arnasyndaǧy podkastta pıkır bıldırdı.
«Eldıŋ jaǧdaiyn bılemız. Qauıpsızdık keŋesı kımge baǧynǧanyn bılemız. Ne sebeptı jaǧdaidyŋ oryn alǧany belgılı. Qalai bolǧanda da ıstıŋ bärı sol kısıge (Nūrsūltan Nazarbaevqa) baryp tırelıp tūr. Menıŋ oiymşa, onyŋ töŋıregındegılerdıŋ bärın tazartady. Ar jaǧynda ülken mäsele tuyndaidy. Būrynǧy Prezidentke qalai baǧa beremız degen mäsele şyǧady. Menıŋ oiymşa osyǧan Toqaev jauap beruı kerek», - deidı saiasatker.Mäjılıs deputaty Berık Äbdıǧaliūly da būǧan sengısı keletının, alaida tergeu nätijesın kütu qajettıgın aitty.
«Qazır tergeu jūmystary jürıp jatyr. Kım ūiymdastyrǧany anyqtalyp, älı aitylady. Ärine, saiasi jaǧy bärıbır sol kısıge tırelıp tūr. Bıraq bız qūqyqtyq memleket bolǧandyqtan, şeşımder zaŋ aiasynda qabyldanuy kerek. Eger däleldesek, olardyŋ äketken aqşalaryn qaitara alamyz. Däleldei almasaq, aqşany qaitaruǧa eşkım rūqsat bermeidı. Halyqaralyq tūrǧyda eşkım sanaspaidy. Ärine, basty maqsat – kınälılerdı qamap, ädılettı şeşım qabyldau. Sonymen qatar Qazaqstannan ketken milliardaǧan qarjyny qaitaru kerek. Sondyqtan bügın ülken jūmystar jürıp jatyr. Prezident ekı ai uaqyt berdı», - dedı B. Äbdıǧaliūly.Baǧdarlamany tömendegı sılteme arqyly tolyq köre alasyz: https://www.youtube.com/watch?v=mUvy1rlsQN4&t=3045s
