Burynǵy densaýlyq saqtaý vıe-mınıstri Oljas Ábishev eldegi zańsyzdyqtar men tergeý ızolıatoryndaǵy azaptaýlar týraly ashyq aıtty, dep habarlaıdy «Adyrna» tilshisi Ulysmedia.kz-ke silteme jasap.
Qazirgi tańda úıqamaqta otyrǵan burynǵy densaýlyq saqtaý mınıstri Eljan Birtanov óziniń burynǵy orynbasary Oljas Ábishevtiń sot otyrysynda sóılegen sózin áleýmettik jelidegi paraqshasynda bólisti.
Oljas Ábishev Birtanovty jaqtaýshy tarapty, advokatty jáne Birtanovtyń sózderin tolyq qoldaıtynyn jetkizdi.
“189 bapqa baılanysty “Ózgeniń múlkin zańsyz ıelený” deregi anyqtalsa, ol 2 jylda anyqtalatyn edi. Osy bapqa qatysty kináni anyqtaı almasa, demek qylmys jasalǵan joq. Sotqa deıingi tergeý amaldarynan bólek, 2019 jylǵy 130 tom materıalda kórsetilgen derekterdi aıtpaǵanda, sol ýaqytta qarjylyq monıtorıngi agenttigi dep atalǵan mekeme ókilderi meniń barlyq telefon qońyraýlarym men hattarymdy tyńdap, oqyp otyrdy. Olar sol ýaqyttan bastap ilik izdep, zańsyz áreketti anyqtaı almady. Men ózime tapsyrylǵan qyzmetti asyra paıdalanǵan joqpyn. Meniń barlyq áreketim memleket emes, halyq úshin jasaldy”, – dedi ol.
Sondaı-aq ol Qazaqstannyń dárisi Ózbekstanǵa satylyp, óz halqymyzdyń nesıege dári alýǵa májbúr bolǵanyn aıtty.
“Bul halyqqa jasalǵan qastandyq. Qylmys. Eger bıliktegiler laýazymdy tulǵalardyń ornyn aýystyrǵysy kelse, qarsylyǵym joq. Biraq, meniń arym taza. Birde-bir adamnan kók tıyn da alǵan joqpyn. Men Konstıtýııa erejelerine saı jumys istedim”, – dedi Oljas Ábishev.
Ol tergeýde kórgen azaptaýlary týraly aıta kelip, quqyq qorǵaý organdarynyń árqaısysy qoıdyń terisin jamylǵan qasqyr sekildi dep baǵalady.
“100 kún qamaýda otyrý, moraldyq jáne fızıkalyq turǵydaǵy zorlyq ońaıǵa tıgen joq. Bul jaıly Bas prokýratýraǵa da aıtyldy. Eshkim saýsaǵyn da qımyldatqan joq. Qarjylyq monıtorıng agenttiginiń qyzmetkerleri kúnde kelip, qansha saǵat boıy tergeý júrgizip, qorlyq kórsetti. Bul isti advokatsyz júrgizdi. Tipti kýágerler shaqyrtylǵan joq. Tergeý, tekserý, qylmysqa qatysty Bas prokýratýra reakııa da bildirgen joq. Zańǵa baǵynyshty adamdarǵa zańsyz qorlyq kórsetý, uryp-soǵý, tergeý júrgizý – elimizde qalypty jaǵdaı sekildi. Men Ońtústik Koreıada 6 jyl turdym. Keıin elime oraldym. Koreıadaǵy sekildi halyqqa qolaıly ári yńǵaıly jaǵdaı jasaǵym keldi. Biraq dál osyndaı jaǵdaıǵa dýshar bolǵanyma tańqalyp otyrmyn. Bul týraly men óz urpaǵyma, balalaryma, nemerelerime árdaıym aıtyp otyramyn. Mundaıdy eshqashan umytý múmkin emes. Bul eldegi jemqorlyq pen zańsyzdyqty jeńý múmkin emes. Men atap ótken organdardyń árqaısysy qoıdyń terisin jamylǵan qasqyr sekildi”, – dedi eks-vıe-mınıstr.
