Būrynǧy densaulyq saqtau vise-ministrı Oljas Äbışev eldegı zaŋsyzdyqtar men tergeu izoliatoryndaǧy azaptaular turaly aşyq aitty, dep habarlaidy «Adyrna» tılşısı Ulysmedia.kz-ke sılteme jasap.
Qazırgı taŋda üiqamaqta otyrǧan būrynǧy densaulyq saqtau ministrı Eljan Bırtanov özınıŋ būrynǧy orynbasary Oljas Äbışevtıŋ sot otyrysynda söilegen sözın äleumettık jelıdegı paraqşasynda bölıstı.
Oljas Äbışev Bırtanovty jaqtauşy tarapty, advokatty jäne Bırtanovtyŋ sözderın tolyq qoldaitynyn jetkızdı.
“189 bapqa bailanysty “Özgenıŋ mülkın zaŋsyz ielenu” deregı anyqtalsa, ol 2 jylda anyqtalatyn edı. Osy bapqa qatysty kınänı anyqtai almasa, demek qylmys jasalǧan joq. Sotqa deiıngı tergeu amaldarynan bölek, 2019 jylǧy 130 tom materialda körsetılgen derekterdı aitpaǧanda, sol uaqytta qarjylyq monitoringı agenttıgı dep atalǧan mekeme ökılderı menıŋ barlyq telefon qoŋyraularym men hattarymdy tyŋdap, oqyp otyrdy. Olar sol uaqyttan bastap ılık ızdep, zaŋsyz ärekettı anyqtai almady. Men özıme tapsyrylǧan qyzmettı asyra paidalanǧan joqpyn. Menıŋ barlyq äreketım memleket emes, halyq üşın jasaldy”, – dedı ol.Sondai-aq ol Qazaqstannyŋ därısı Özbekstanǧa satylyp, öz halqymyzdyŋ nesiege därı aluǧa mäjbür bolǧanyn aitty.
“Būl halyqqa jasalǧan qastandyq. Qylmys. Eger bilıktegıler lauazymdy tūlǧalardyŋ ornyn auystyrǧysy kelse, qarsylyǧym joq. Bıraq, menıŋ arym taza. Bırde-bır adamnan kök tiyn da alǧan joqpyn. Men Konstitusiia erejelerıne sai jūmys ıstedım”, – dedı Oljas Äbışev.Ol tergeude körgen azaptaulary turaly aita kelıp, qūqyq qorǧau organdarynyŋ ärqaisysy qoidyŋ terısın jamylǧan qasqyr sekıldı dep baǧalady.
“100 kün qamauda otyru, moraldyq jäne fizikalyq tūrǧydaǧy zorlyq oŋaiǧa tigen joq. Būl jaily Bas prokuraturaǧa da aityldy. Eşkım sausaǧyn da qimyldatqan joq. Qarjylyq monitoring agenttıgınıŋ qyzmetkerlerı künde kelıp, qanşa saǧat boiy tergeu jürgızıp, qorlyq körsettı. Būl ıstı advokatsyz jürgızdı. Tıptı kuägerler şaqyrtylǧan joq. Tergeu, tekseru, qylmysqa qatysty Bas prokuratura reaksiia da bıldırgen joq. Zaŋǧa baǧynyşty adamdarǧa zaŋsyz qorlyq körsetu, ūryp-soǧu, tergeu jürgızu – elımızde qalypty jaǧdai sekıldı. Men Oŋtüstık Koreiada 6 jyl tūrdym. Keiın elıme oraldym. Koreiadaǧy sekıldı halyqqa qolaily ärı yŋǧaily jaǧdai jasaǧym keldı. Bıraq däl osyndai jaǧdaiǧa duşar bolǧanyma taŋqalyp otyrmyn. Būl turaly men öz ūrpaǧyma, balalaryma, nemerelerıme ärdaiym aityp otyramyn. Mūndaidy eşqaşan ūmytu mümkın emes. Būl eldegı jemqorlyq pen zaŋsyzdyqty jeŋu mümkın emes. Men atap ötken organdardyŋ ärqaisysy qoidyŋ terısın jamylǧan qasqyr sekıldı”, – dedı eks-vise-ministr.
