Qaraǧandy oblysy Balqaş qalasynyŋ tūrǧyndary jaŋadan qūrylatyn Ūlytau oblysyna qosyluǧa qarsy. Olar tiıstı petisiiany egov.press saitynda jariialady, dep habarlaidy "Adyrna" ūlttyq portaly.
Bes kün ışınde petisiiaǧa 10 myŋnan astam adam qol qoidy. 9359 adam qosyluǧa qarsy bolsa, 667 adam qoldady.
"Bız Balqaştyŋ Qaraǧandy oblysynda qaluyn sūraimyz. Öitkenı, Jezqazǧan tym alys. Qala Qaraǧandy oblysyna qosylǧannan keiın dami bastady", - delıngen petisiiada.Balqaştyqtar «Eger qalamyz ortalyǧy Jezqazǧan dep bekıtılgen jaŋa oblysqa jatqyzylsa, memlekettık mekemelerge, sonyŋ ışınde auruhanalarǧa baru üşın ūzaq jol jüruge tura keledı» dep alaŋdauly. 1997 jyldyŋ mamyr aiyna deiın Balqaş Jezqazǧan oblysyna qarady. Esterıŋızge sala keteiık, Prezident Toqaev 16 nauryzda Parlament palatalarynyŋ bırlesken otyrysynda Qazaqstanda jaŋa üş oblystyŋ qūrylǧanyn mälımdedı. Jaŋa äkımşılık bırlıkterınıŋ şekaralary älı anyqtalǧan joq.
"Adyrna" ūlttyq portaly
