Úshinshi megapolıstiń dárigerleri baýyr isigi dıagnozy qoıylǵan naýqastarǵa jańa ádispen ota jasaýdy meńgerýde. Invazıvti endovaskýlıarlyq ádis elimizde ekinshi bolyp Shymkent qalasynda jasaldy.
№2 aýrýhanada baýyr ırrozy dıagnozy qoıylǵan naýqastyń asqazan jáne óńesh venalarynyń varıkozdy keńeıýi «CARTO» ádisimen baılandy.
– Baýyr ırrozynda portaldi gıpertenzııa, asqazan jáne óńesh venalarynyń keńeıýi qaýipti asqynýlardyń biri sanalady. Sonyń saldarynan qan ketip, sońy qaıǵyly jaǵdaıǵa soqtyrýy múmkin. Biz ota jasap jatqan naýqasta da buǵan deıin eki ret qan ketken. Al onyń aldyn alýda az ınvazıvti endovaskýlıarlyq emdeý eń tıimdi ádis sanalady. Búgin aýrýhanamyzǵa elordalyq joǵary dárejeli dáriger Evgenıı Mýn kelip, sheberlik sabaǵyn ótkizýde. Sodan keıin mundaı otany jergilikti mamandar júzege asyratyn bolady, – dedi Shymkent qalalyq №2 aýrýhananyń rentgen-hırýrg dárigeri Nurjan Qarabaev.
Aıta keteıik, bul ota narkozsyz, tiliksiz jasalady. Naýqas esin bilip, dárigerler onyń jaı-kúıin baqylap, ózinen surap otyrady. Tek oǵan jergilikti aýyrsyný basatyn dári salynǵan. Mundaı ota elimizde alǵash ret Nur-Sultan qalasynyń №1 kópsalaly qalalyq aýrýhanasynda jasalǵan bolatyn.
