Şymkent qalasyndaǧy jastar resurstyq ortalyǧynyŋ jūmysyn jetıldıru üşın 5 baǧyt boiynşa jūmys jürgızıletın bolady. Būl turaly qalalyq ışkı saiasat jäne jastar ısterı jönındegı basqarmasynyŋ basşysy M.Şotanov qala äkımıne jastar resurstyq ortalyqtarymen atqarylǧan jūmystar jaiyn baiandau barysynda aitty.
«Bırınşı jastardy äleumettık qyzmettermen qamtu - oǧan 45 myŋǧa juyq jasty qamtu közdelude. Ekınşı 93 myŋnan astam jasty volonterlık qyzmetke tartu bolsa, üşınşı eldıŋ qoǧamdyq saiasi ömırıne äielderdıŋ rölın arttyru üşın 30 ıs-şara ötkızu josparlanuda. Al, törtınşı oqymaityn jäne jūmyspen qamtylmaǧan jastar sanyn azaitu, besınşı «Jasyl el» jobasyna jastardy tartu»,-ekenın aitqan basqarma basşysy osy boiynşa jüielı jūmystar atqarylatynyn atap öttı.
Osy jyldyŋ bırınşı toqsanynda qalada 25 qoǧamdyq, 12 qaiyrymdylyq, 44 aqparattyq ıs-şaralar ūiymdastyrylyp, oǧan 7 myŋǧa juyq jas tartylǧan bolsa, volonterlık ūiymdar men mektepter arasyndaǧy bekıtılgen josparǧa säikes 62 ıs-şara ūiymdastyrylyp, ol ıs-şaralarǧa 13 myŋ şamasynda jas qamtylǧan.Baiandamaşy jūmys ıstemeitın NEET sanatyndaǧy jastardyŋ ülesı ötken jyldyŋ qorytyndysy boiynşa 6,7 paiyzǧa tömendegenın, 2022 jyly būl körsetkıştı 6,5 paiyzǧa tüsıru boiynşa jūmystar jürgızıletının aityp, jyl basynan 2066 jas jūmyspen qamtylǧanyn mälım ettı. Jiyn soŋynda söz alǧan qala äkımı Mūrat Äitenov elımızde bırneşe jyldan berı jüzege asyrylyp keletın - jastardy qoldau, olarǧa käsıbi bılım beru, jūmyspen qamtu sekıldı baǧdarlamalardy keŋınen tüsındırudı tapsyrdy. Sonymen bırge megapolis jastarynyŋ qolynan köp ıs keletın eŋbekqor jandar ekenın aityp, jūmyssyz jastardy tereŋ zerdelep, olarǧa mamandyq boiynşa dūrys baǧyt-baǧdar beru jūmysyn jandandyrudy jüktedı.
