Elimizdegi eń mańyzdy másele aýdandardy damytý men halyqqa jumys berý máselesi. Bul óte mańyzdy, sebebi sońǵy ýaqytta ýrbanızaııa proesi údep, qalaǵa kóshken adam sany artýda. Ony retteýdiń bir joly aýdandarda zaýyt, fabrıka jáne ónerkásip keshenderin ashý. Bul mindetti Jarkent qalasyndaǵy "Jarkent krahmal-sirne zaýyty" men "Ýnıversal" zaýyty sátti júzege asyryp keledi.
"Jarkent krahmal-sirne zaýyty" 2013 jyly 20-jeltoqsanda ashyldy. Zaýytta júgeriden 18 túrli ónim jasalady. Onyń ishinde sıroptar, krahmal, glıýten jáne basqa ónim túrleri jasalyp, eksport jáne ımportqa shyǵarylady. Satyp alýshy memleketter qataryna Reseı, Ózbekstan jáne Qyrǵyzstan jatady. Al ishki naryqta kondıterlik fabrıkalardan bastap farmaevtıkalyq kompanııalarǵa deıin tapsyrys beredi. Zaýyt 80 paıyz avtomattandyrylǵan júıede jumys isteıdi. Zamanaýı qurylǵylar men qajetti qural-jabdyqtar satyp alynǵan. Zaýyt basshylyǵy únemi modernızaııalaý proesin júrgizýdi qoldaıdy, sol sebepti de zaýytta jyl saıyn jańashyldyq engizilýde desek te bolady. Mysaly zaýyt sýdy únemdeý maqsatynda fıltr júıesin ornatqan. Bul paıdalanylǵan sýdy qaıta tazartyp, 70 paıyzyn óndiriske ekinshi márte qoldanýǵa múmkindik beredi.
Zaýyttyń Panfılov aýdanynda ornalasqany da tegin emes. Aýdan KSRO kezeńinde júgeri ónimin shyǵarý boıynsha kóshbasshy sanalǵan, al qazir sol dańqty kezeńdi qaıta qalpyna keltirdi. Zaýytqa júgeri ónimderin Panfılov aýdany, Ile aýdany, Eńbekshiqazaq aýdany jáne Uıǵyr aýdanynyń sharýalary ótkizedi. Osy arqyly zaýyt tórt birdeı aýdan halqyna jumys berip otyr deýge tolyq negiz bar. Maýsymdyq kezeńde, ıaǵnı júgerini jınaý men tasymaldaý mezgilinde jumysshylar sany artady.
Zaýyt jumysshylaryna jalaqyny ýaqytyly tóleıdi. Sonymen qatar jetkizý jáne tamaqtandyrý da tegin. Ol úshin arnaıy ashana men jetkizýge arnalǵan avtobýstary bar. Jumysshylardyń kıimin taza ustaý maqsatynda kıim jýý bólimshesi ashylǵan. Zaýyt qyzmetkerleriniń biliktiligin arttyrý maqsatynda arnaıy oqytý ortalyǵy da ashylǵan. Onda jumyspen qamtý baǵdarlamasy boıynsha jastar jáne biliktiligin arttyrý boıynsha zaýyt qyzmetkerleri jumys isteıdi.
"Jarkent krahmal-sirne zaýytynyń" janynda úsh ehten turatyn "Ýnıversal" zaýyty ornalasqan. Alyp zaýyttyń negizgi qyzmeti qaptar shyǵarý. Ún, qant jáne taǵy basqa ónimderdi tasymaldaýǵa arnalǵan qaptar tynymsyz stanoktardan shyǵyp jatyr, shyǵyp jatyr. Aıyna 50 mln qap shyǵaramyz deıdi zaýyt qyzmetkerleri. Zaýytta 500 jumysshy bar jáne ortasha aılyq 180 myń teńge. Bul aýdan úshin óte jaqsy kórsetkish bolyp sanalady.
Zaýytta eh basshysy bolyp qyzmet atqaratyn Jadyra Amangeldiqyzy: "Ýnıversal zaýytynda segiz jyldan beri qyzmet atqaryp kelemin. Bizde jip óndiretin, qap shyǵaratyn jáne úlken qanar qaptaryn shyǵaratyn, tigin ehterimiz bar. Jumysshylarymyz eki kún kúndiz, eki kún túnde jáne eki kún demalys rejımi boıynsha jumys isteıdi. Jumys zań talaptaryna saı segiz saǵattan turady, sondyqtan jumys grafıgi aýyr emes. Onyń ústine jetkizý jáne tamaqtandyrý júıeleri bar. Aılyǵymyzdy ýaqytyly alamyz, arnaıy syıaqylar da jıi beriledi. Zaýyt ujymy dostyq, tatýlyq jáne uıymshyldyqty tý etip, qyzmet etýde", - dedi.
Zaýyt basshylyǵy áleýmettik jaýapkershilikti joǵary qoıady. Zaýyt basshysy Qazaqstan Halqy Assambleıasynyń tóraǵasynyń orynbasary, Almaty oblysy Maslıhatynyń depýtaty Zákirjan Kýzıev bastamasymen 13 meshit Almaty oblysy boıynsha boı kótergen. Onyń biri Jarkent ortalyq meshiti.
Sonymen birge qıyn jaǵdaıǵa tap bolǵan jáne áleýmettik qoldaýǵa zárý otbasylaryna da kómek qolyn sozyp keledi. Jarkent qalasy boıynsha eki otbasyǵa úı salyp, baqyt syılapty. Basshylyq qaıyrymdylyq jasaý men qoǵam aldyndaǵy áleýmettik jaýapkershilikti joǵary sezinýdi mańyzdy dep sanaıdy.
"Adyrna" ulttyq portaly
