Bügın qaladaǧy jol qūrylysyna qatysty qala äkımınıŋ orynbasary Maqsūt İsahov būqaralyq aqparat qūraldarymen baspasöz-brifingın ötkızdı.
Tūrǧyndar arasynda Qonaev-Rysqūlov jolairyǧy men A-2 tas joly qūrylysy jäne äuejai maŋyndaǧy jaiau jürgınşıler joly, velojolaq sapasyna qatysty videolar men pıkırler taraǧan bolatyn.
Osyǧan bailanysty Maqsūt Pernebaiūly:
- Qonaev daŋǧyly boiynşa jerasty jaiau jürgınşıler ötkelın abattandyru jūmystary, sonymen qatar jaŋbyr jäne qar sularyn baǧyttaityn suaǧar jüielerın ornatu tolyǧymen aiaqtalǧan joq. Qazırgı uaqytta jer asty ötkelınde jinalǧan su sorylyp, qalypqa keltırıldı. Al asfalt töseu jūmystary merdıger mekeme qarajaty esebınen jasalatyn bolady. Aita keteiık, qūrylys jūmystaryn jürgızıp jatqan «Bazis-K» JŞS-nen Qonaev-Rysqūlov köşelerı qiylysyndaǧy jolairyq älı qabyldanǧan joq. Mausym aiynyŋ soŋyna deiın körsetılgen kemşılıkter joiylyp, qūrylys jūmystary aiaqtalatyn bolady.
- Al 4,5 şq aeroport velojolyndaǧy 0,6şq joldyŋ otyrulary tıkelei kärız jüiesın jasaǧan merdıger «EnSaf» JŞS tarapynan retke keltırıletın bolady. Sebebı būl merdıger mekeme kärız jüiesın jürgızgende laboratoriialyq synamalarynda jol salatyn jer qabaty tyǧyzdyǧy sai ekenı anyqtalǧan. Osy körsetkışter negızınde «Korparasiia Bereke» JŞS jol qūrylysyn jürgızgen» -dep atap öttı.Jalpy jolauşylar kölıgı jäne avtomobil joldary basqarmasy tarapynan biylǧy jyly 141 nysanǧa qūrylys, jöndeu jūmystaryn atqaru josparlanyp otyr: qūrylys jäne qaita jaŋartu – 19 nysan (51,5 şq), ortaşa jöndeu – 121 nysan (223,8 şq, 291 köşe), kürdelı jöndeu – 1 nysan (19,3 şq). Sonymen qatar, 150 orynǧa aialdama ornatu jäne audan äkımşılıgı tarapynan bekıtılgen köşelerge şaǧal tas töseu josparlanuda. Ötken jyldyŋ nätijesı boiynşa qalamyzdaǧy asfalt joldardyŋ ülesı 63,6% jetken. Asfalt jol ülesın 2022 jyly 67,4%, 2023 jyly 71,2%, 2024 jyly 75%, 2025 jyly 79% jetkızu josparlanǧan.
