Şymkent qalasy äkımınıŋ orynbasary Erǧali Bılısbekov bügın azamattardy äleumettık mäselelerı boiynşa onlain rejimde jeke qabyldadady. Qabyldauda negızınen mümkındıgı şekteulı balalardy qorǧau jäne olarǧa qoldau körsetu, sondai-aq tūrǧyn üimen qamtu jönınde şaǧymdar aityldy. Qala basşysynyŋ orynbasary halyqty tolǧandyrǧan özektı mäselelerdıŋ şeşımın qarastyryp, olarǧa zaŋ aiasynda keŋes berdı.
Qalalyq jūmyspen qamtu jäne äleumettık qorǧau basqarmasynyŋ mälımetınşe, qazırgı taŋda Şymkent qalasynda 36 537 mümkındıgı şekteulı azamat tırkelgen bolsa, onyŋ 6418-ı 18 jasqa deiıngı balalar. Qalada ornalasqan medisinalyq-äleumettık mekemelerde mümkındıgı şekteulı balalarǧa arnalǧan arnauly äleumettık oŋaltu jäne emdık şaralar qarastyrylǧan. Sonymen qatar, mügedektıgı bar azamattarǧa arnaiy jabdyqtalǧan «İnvataksi» jäne Ūly Otan soǧys ardagerlerı men mügedekterıne, jürıp-tūruy qiyn 1-2-şı toptaǧy mügedekterge emdeu mekemelerıne jäne qoǧamdyq oryndarǧa baru üşın arnalǧan «Äleumettık taksi» qyzmet körsetedı.
Qala äkımınıŋ orynbasary qabyldau barysynda azamattardyŋ ötınış-tılekterıne sai tiıstı basqarma basşylaryna bırqatar tapsyrmalardy jüktep, är azamattyŋ mäselesı baqylauǧa alynatyndyǧyn jetkızdı.
Şymkent qalasy äkımınıŋ orynbasary E.Bılısbekov jetekşılık etetın basqarmalar tızımı özgergenın de aita ketu qajet. Erǧali Däuletbekūly qazırgı taŋda tūrǧyn üi, jūmyspen qamtu jäne äleumettık qorǧau, qalalyq orta sapasy jäne baqylau, memlekettık eŋbek inspeksiiasy, memlekettık satyp alu, qalalyq jaily ortany damytu basqarmalaryna jetekşılık etedı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz