Şymkent qalasynyŋ äkımı Mūrat Äitenov Sairam tūrǧyn alabynda ornalasqan №12 sport mektebınıŋ qosymşa ǧimarat qūrylysymen tanysty.
Irgetasy 1984 jyly qalanǧan arnaiy mektepte qazır 800-den asa sportşy şynyǧady. Mūnda sporttyŋ voleibol, boks, erkın küres, dziudo küresı, üstel tennisı, basketbol, taekvondo jäne pauerlifting türı damytyluda.
Qosymşa ǧimarattyŋ qūrylys-montaj jūmysy 2020 jyly bastalyp, 2022 jyldyŋ soŋyna qarai paidalanuǧa beru josparlanyp otyr.
Qūrylystyŋ jalpy audany 2557,10 şarşy metr. Sport zaly 210 balaǧa laiyqtalyp, boks, küres zaldary jäne basketbol, boleibol jäne gandbol alaŋşalary qaralǧan. Sonymen bırge, 18 adamǧa arnalǧan ashana men juynu bölmesı bar.
Nysandy aralap körgen M.Äitenov nysannyŋ sapasyna köŋıl böludı jäne öz uaqytynda paidalanuǧa berudı tapsyrdy.
–Bolaşaq jastar qolynda. Olardyŋ bos uaqytyn tiımdı paidalanuy jäne sportpen şūǧyldanuyna barlyq jaǧdaidy jasauymyz kerek. Sportpen ainalysqan jas şynyqqan şymyr bolyp ösedı. Sondyqtan sport barlyq jasqa qoljetımdı boluy tiıs,-dedı qala äkımı.
