Lıtva Eýropalyq Odaq músheleriniń alǵashqysy bolyp Reseıden "kógildir otyndy"jetkizýden bas tartyp, gaz ımportyn tolyq toqtatty. Bul Lıtva Energetıka mınıstrligi habarlady, dep jazady "Adyrna" ulttyq portaly.
Budan bylaı Lıtva gazǵa degen barlyq qajettilikterin Klaıpedadaǵy termınal arqyly alady. Aıyna úsh ret "kógildir otyn " úlken kólemde termınalǵa túsedi, bul eldiń qajettilikteri úshin jetkilikti bolýy kerek. Energetıka mınıstrligi qajet bolǵan jaǵdaıda gazdy Latvııamen gaz baılanysy arqyly Lıtvaǵa da jetkizýge bolatynyn, al 1 mamyrdan bastap ony Polsha arqyly ımporttaýǵa bolatynyn jazady.
Lıtvanyń Energetıka mınıstri Daınıýs Kreıvıs muny Lıtvanyń energetıkalyq táýelsizdigi tarıhyndaǵy betburys dep sanaıdy.
"Biz «Gazpromdy» jetkizýshi elder arasynda Reseı gazynan bas tartyp, táýelsizdikke qol jetkizgen alǵashqy Eýroodaq eli atandyq jáne bul kóp jylǵy dáıekti energetıkalyq saıasat pen ýaqtyly ınfraqurylymdyq sheshimderdiń nátıjesi», - dedi Kreıvıs.
"Adyrna" ulttyq portaly
