Qazaqstanda şeteldık filmderdı tıkelei äkelıp, qazaq tılıne dubliajdaudy josparlap otyr. Būl turaly LS agenttıgı habarlady, dep jazady "Adyrna" ūlttyq portaly.
Mädeniet jäne sport ministrlıgı Reseige qatysty sanksiialar engızılgenge deiın barlyq şeteldık filmder Qazaqstanǧa körşı eldıŋ distribiutorlary arqyly äkelıngenın tüsındırdı.
"Kinoteatrlardy qoldau jäne kinokontent tapşylyǧyn boldyrmau üşın tıkelei prokattau jäne şeteldık filmderdı qazaq tılıne dubliajdaudy subsidiialau maqsatynda Qazaqstanǧa şeteldık filmderdı äkelu mäselesı pysyqtaluda", - dep tüsındırdı ministrlıkte.Mädeniet ministrlıgınde kinoteatrlarda jalǧa beru üşın ūlttyq kinony qoldau memlekettık ortalyǧy respublikalyq biudjet esebınen şyǧarylǧan 21 kartinanyŋ tūsaukeserı bolyp ötken.
"Qazaqstanda älemdık jäne otandyq filmderdıŋ körsetılımı üzılgen joq. Disney studiiasynyŋ keibır filmderın qospaǧanda, filmderdıŋ körsetılımi josparlanǧan kestege säikes jüzege asyrylady", - dep habarlady ministrlıkte.Ministrlık elımızde 90 kinoteatr jūmys ısteitının atap öttı. Sonymen qatar, pandemiia kezeŋınde olardyŋ qyzmetın toqtata tūru, şamamen esepteuler boiynşa, kino körsetu naryǧy kırısınıŋ kölemı 2019 jylǧy 30 mlrd teŋgeden 2021 jyly 17 mlrd teŋgege deiın tömendedı. Esterıŋızge sala keteiık, būǧan deiın Kinopark & Kinoplexx şeteldık jaldau aqysynyŋ bolmau qaupıne bailanysty mäjbürlep jabylǧany turaly habarlady. Keiınırek kompaniia jūmys jalǧasady dep mälımdedı. Eŋ bolmaǧanda, säuırdıŋ eŋ kütıletın premeralary Qazaqstanda körsetıledı.
"Adyrna" ūlttyq portaly
