Shymkent qalasynda 2021 jyly aýyzsýmen qamtý úshin 3 magıstraldy sýaqqy men 10 eldi mekende qurylys aıaqtalyp, paıdalanýǵa berilgen. Bul týraly qala ákimi Murat Áıtenov Abaı aýdany turǵyndarymen kezdesýinde málimdedi.
Aýyzsý máselesi túbegeıli sheshimin tapqan eldi mekender: Turan, Asar-2, Soltústik saıajaı, Yntymaq-2, Batys, Jańaturlan jáne Aqtas-2, Jańatalap, Sáýle (276 oram) jáne Nurtas shaǵyn aýdandary. Nátıjesinde sapaly sýmen qamtý kórsetkishi 95,6%-dan 98 paıyzǵa jetti.
Qala ákimi óz baıandamasynda bıylǵy atqarylatyn jumystarǵa da toqtaldy.
Qazir qaladaǵy 81 eldi mekenniń 78-i aýyzsýmen tolyq qamtylǵan, Qursaı, Saıram jáne Qaınarbulaq turǵyn alabyna sý kestemen beriledi.
Bıyl kestemen sý alyp otyrǵan eldi mekender men Nurtas sý jınaǵysh magıstralynyń qurylysy júredi. Jyl sońyna deıin Qursaı men onyń jańaqurylys aýmaǵy aýyzsýmen qamtylýy josparlanyp otyr.
Al, Saıram men Qaınarbulaq t/a jáne Asar 2-niń jańaqurylysynyń sýmen qamtylýy keler jylǵa ótpeli. Aldaǵy jyldyń jospary boıynsha 3 magıstraldy sýaqqy salynyp, qoldanysqa berledi. Nátıjesinde 2023 jyly Shymkent qalasynyń aýyzsýmen qamtý kórsetkishi 100 paıyzǵa jetpek.
