Qūrsailyqtar biyl sapaly suǧa qol jetkızedı

Şymkent qalasynda 2021 jyly auyzsumen qamtu üşın 3 magistraldy suaqqy men 10 eldı mekende qūrylys aiaqtalyp, paidalanuǧa berılgen. Būl turaly qala äkımı Mūrat Äitenov Abai audany tūrǧyndarymen kezdesuınde mälımdedı. Auyzsu mäselesı tübegeilı şeşımın tapqan eldı mekender: Tūran, Asar-2, Soltüstık saiajai, Yntymaq-2, Batys, Jaŋatūrlan jäne Aqtas-2, Jaŋatalap, Säule (276 oram) jäne Nūrtas şaǧyn audandary. Nätijesınde sapaly sumen qamtu körsetkışı 95,6%-dan 98 paiyzǧa jettı. Qala äkımı öz baiandamasynda biylǧy atqarylatyn jūmystarǧa da toqtaldy. Qazır qaladaǧy 81 eldı mekennıŋ 78-ı auyzsumen tolyq qamtylǧan, Qūrsai, Sairam jäne Qainarbūlaq tūrǧyn alabyna su kestemen berıledı. Biyl kestemen su alyp otyrǧan eldı mekender men Nūrtas su jinaǧyş magistralynyŋ qūrylysy jüredı. Jyl soŋyna deiın Qūrsai men onyŋ jaŋaqūrylys aumaǧy auyzsumen qamtyluy josparlanyp otyr. Al, Sairam men Qainarbūlaq t/a jäne Asar 2-nıŋ jaŋaqūrylysynyŋ sumen qamtyluy keler jylǧa ötpelı. Aldaǧy jyldyŋ jospary boiynşa 3 magistraldy suaqqy salynyp, qoldanysqa berledı. Nätijesınde 2023 jyly Şymkent qalasynyŋ auyzsumen qamtu körsetkışı 100 paiyzǧa jetpek.