Däulet Töleutaiūly Dinara Satjanǧa bergen sūhbatynda qazaqtyŋ toi dese ışken asyn jerge qoiyp, qatty şaşylatyny turaly aitty, dep habarlaidy “Adyrna” ūlttyq portaly.
Jūma saiyn qaiyrymdylyq jasap, baspana syiǧa tartyp, odan qalsa, baspanaǧa aluǧa baǧyt berıp jürgen Däulet özınıŋ 4 päterı bar ekenın aşyp aitty.
“Bırınşı kezekte özınen aiamau kerek. Bıraq özıŋnen aiamau kerek eken dep, qaryzǧa, Kaspi bölıp töleuge kiım alu dūrys emes. Özıŋ ömırge bır-aq ret kelgennen keiın, jaqsyny köruge ūmtylu kerek. Bıraq onyŋ da şegı bolady. Pandemiia kezınde talai adamdy kördım. Ötkende bır tanysym, tanymal adam üiı joq älı künge deiın, bıraq ol “Dior-dyŋ 800-900 myŋ teŋge tūratyn sömkesı bar” dep maqtanady. Dior-yŋ qūrysyn dedım, üiıŋ joq, nesıne maqtanasyŋ? Bärın jasap al, ärı qarai brend quasyŋ ba, özıŋ bılesıŋ”, – deidı Däulet.Qazaqtyŋ Däuletı atty laqap atpen tanylǧan ol bar jiǧan-tergenın toiǧa şaşatyn halyqty tüsınbeitının aitty.
“Toi da solai. 5 saǧattyq toiǧa 5 jyl töleitın kredit alady. Odan keiın ekı jas ajyrasty, deidı. Jaǧdaiyŋ bar ma, Nūr-Sūltanda 30 myŋ adamdyq stadion bos tūr, sonda toi jasa. Jaǧdaiyŋ joq pa, körpeŋe qarai kösıl. Ūiat bolady degennıŋ bärı bos söz. Erteŋgı künı nesie tölei almai otyrǧanda ūiattyŋ kökesı sonda bolady. Toi öttı, eldıŋ bärı jedı, paketke saldy, ysyrap jasady, kettı. Al erteŋgı künı ekı jas qinalǧan kezde, sol toiǧa kelgen adamnyŋ bıreuı “qinalyp qalypsyŋdar, kreditterıŋdı tölep bereiın” dep kele me? Toi bolu kerek, bıraq ärkımnıŋ şamasyna qarai. Toi – Täŋırdıŋ qazynasy. Toidyŋ arqasynda bız qazaqtyǧymyzdy joǧaltpai otyrmyz. Bıraq mikrokredittık ūiymdardan 2 mln kredit alyp, sony 5 mln etıp qaitaryp otyrǧan adamdar bar. Odan da ekı jaqtan ketken aqşany qosyp, bastapqy jarna retınde jastarǧa berıp, üi aluǧa bolady”, – dedı Töleutaiūly.Baspanaly bolǧysy kep jürgen adamdarǧa eŋ alǧaş jasau kerek qadammen de bölıstı.
“Eŋ bırınşı keŋes, tırı adam tırşılıgın jasau kerek. Otyrsaq otyra beremız. Anau qymbat, mynau qymbat, zaman sondai dep negativtıŋ bärın boiymyzǧa jinap alatyn bolsaq, energiiamyzdy joǧaltyp, älsız adamǧa ainalamyz. Al eger de “joq jasaimyn, qolymnan keledı, ainalamdy özgertemın, soǧan qarai talpynamyn” deitın bolsa, ol adam küş-quat jinaidy. Al adamnyŋ boiyndaǧy energiia tübınde aqşaǧa alyp keledı”, – deidı bloger.
”Adyrna” ūlttyq portaly
Ūqsas jaŋalyqtar
