Shymkent qalasynda jol jóndeý qarqyndy júrgizilýde. Ótken jyly qalada jalpy uzyndyǵy 189,7 shaqyrym jol paıdalanýǵa berildi. Bul týraly qala ákimi Murat Áıtenov Ál-Farabı aýdany turǵyndarymen kezdesýde baıandady.
Bıyl 182 jobanyń qurylysyn júrgizý josparlanyp otyr. Sonyń ishinde 20 jobada qaıta qurý, 3 kúrdeli jóndeý jáne 159 kóshede ortasha jóndeý jumysy júrgiziledi. Sonymen birge, 122,7 shaqyrym jolǵa shaǵal tas tóselip, 178 jańa aıaldama ornatylady.
Al, Ál-Farabı aýdany boıynsha 2021 jyly aýqymdy joba júzege asty. Ótken jyldyń qorytyndysymen Qonaev dańǵyly men Rysqulov kósheleriniń qıylysyndaǵy aınalma jol salynyp, paıdalanýǵa berildi.
2022 jyldyń josparyna sáıkes, Báıdibek bı dańǵyly men Arǵynbekov kósheleriniń qıylysyndaǵy aınalma joldyń qurylysy atqarylýda.
Odan ózge, bıyl aýdandaǵy ishki oramdyq 3 kóshege asfalt tóseledi. Olar: Aqjaıyq sh/a Aqjıren kóshesi, Samal-2 sh/a Jabaı ata kóshesi jánk Jandosov ótkeli.
2023 jyly Aıqap-Túrkistan sh/a Betkeı kóshesi, Aqjaıyq sh/a Shaǵataı, Baltamyr, Toqpan kósheleri, Samal-1 sh/a Taımanov, Meıirbekov kóshelerin asfalttaýǵa Jolaýshylar kóligi jáne avtomobıl joldary basqarmasynyń jumys josparyna engizildi.
2024 jyly Aqjaıyq sh/a Sáıgúlik, Samǵaý, Maılykent, Taıqońyr kósheleri jáne Samal-2 sh/a Ermekbaev, Shákirov, Seıitov kóshelerine asfalt tóseledi.
Joǵaryda atalǵan kóshelerde asfalt tóseý jumysy júzege asyrylsa, aýdandaǵy sapaly joldardyń kórsetkishi 100%-ǵa jetedi.
