Elimizde pandemııa kezinde adamdy órteýge,ıaǵnı kremaııaǵa degen suranys artqan. Kremaııa kezinde máıitti 1 saǵattan eki saǵatqa deıingi ýaqytta 800-1100°S temperatýrada órteıdi. Janý ýaqytysynyń uzaqtyǵy adamnyń jasyna,salmaǵyna,qandaı aýrýmen qaıtys bolǵanyna baılanysty bolady. Mysaly, tiri kezinde týberkýlez ne isik aýrýymen aýyrǵan adamdar uzaǵyraq janady.
Jalpy tarıhyna toqtalar bolsaq , kremaııa alǵash ret neolıt pen qola kezeńderinde paıda bolǵan. Japonııada,Úndistan men Ońtistik-Shyǵys Azııanyń elderinde kremaııa erteden bar.
Qazaqstannyń ejelgi tarıhynda kremaııa tásili qola dáýirine jatatyn andron mádenıetiniń Nura kezeńinde qoldanyla bastady. Al,Eýropa elderinde kremaııa basynda dinsiz halyqtardyń salty dep sanalǵanymen,19 ǵasyrdyń ekinshi jartysynda qoldanyla bastap,krematorııler salyna bastady.Eń alǵashqy krematorıı 1876 jyly Mılan qalasynda salynǵan eken.
Islam bolsa kremaııaǵa úzildi-kesildi qarsy bolǵanymen , elimizde de krematorıılar salyný qolǵa alyna bastaǵan. Kremaııany buryn qymbat baǵada Novosıbırsk qalasynan jasatyp júrgen keıbir Qazaqstandyqtar úshin kremaııa peshteri elimizde ashylsa qoljetimdi bolmaq.
Taıaqtyń eki ushy bolady demekshi,bir adamdar krematorıı salýdy qoldasa,bireýleri bul dinge qaıshy,sumdyq jaıt dep otyr. Iá,shynymende qazaqtyń keń jazıra ulan-baıtaq dalasynda máıitti arýlap kómetin jer az bolǵany ma? Biz úndiler emespiz kúldi kókke shashatyn, biz ata-baba arýaǵynyń basyna baryp quran baǵyshtaıtyn qazaqpyz.
"Adyrna" ulttyq portaly
