Mūrat Äitenov Qaratau audany tūrǧyndarymen kezdestı

Qazaqstan Respublikasy Prezidentınıŋ Jarlyǧyna säikes, Şymkent qalasy äkımı Mūrat Äitenovtıŋ audan tūrǧyndarymen eseptı kezdesuı jalǧasuda. Kezdesuge Qaratau audanyna qarasty Sairam aumaǧynyŋ 350-den asa tūrǧyny qatysty. Qala äkımı 2021 jyly äleumettık-ekonomikalyq damuy men injenerlık-infraqūrylymmen qamtyluy turaly baiandap, osy jylǧy josparlardy mälımdedı. Qaratau audanynda 265 myŋnan asa tūrǧyn qonystanǧan. Şalǧai ornalasqan eldımekenderdıŋ özektı mäselesı – infraqūrylym. Ötken jyly 4 eldımeken auyz sumen, 3 eldımeken elektr jäne tabiǧi gazben qamtyldy. Būl jyly Qainarbūlaq t/a, Asar-2 (2 kezek), Sairam aumaǧynda auyz su qūrylysy bastalady. Al, Qainarbūlaq, Dostyq, Asar-2, Tūran şaǧyn audandaryn elektr energiiasymen qamtu üşın qūrylys jūmystary jüredı. Tassai, Tūran, Asar-2, Qainarbūlaq tūrǧyn alabynda tabiǧi gazdyŋ qūrylysy bastalady. Eldımekenderdıŋ infraqūrylymmen tolyq qamtuyluy turaly audan äkımı R.Mülkemanov baiandap berdı. Kezdesude tūrǧyndar tarapynan sūraqtar qoiylyp, ärbırıne şahar basşysy naqty jauaptar berdı. Tiıstı sala basşylaryna naqty tapsyrmalar jüktedı. Jaŋadan taǧaiyndalǧan audan äkımıne sättılık tılep, tūrǧyndarmen tyǧyz qarym-qatynasta jūmys jasaudy jüktedı.