Qazaqstan Respýblıkasy Prezıdentiniń Jarlyǵyna sáıkes, Shymkent qalasy ákimi Murat Áıtenovtiń aýdan turǵyndarymen esepti kezdesýi jalǵasýda. Kezdesýge Qarataý aýdanyna qarasty Saıram aýmaǵynyń 350-den asa turǵyny qatysty.
Qala ákimi 2021 jyly áleýmettik-ekonomıkalyq damýy men ınjenerlik-ınfraqurylymmen qamtylýy týraly baıandap, osy jylǵy josparlardy málimdedi.
Qarataý aýdanynda 265 myńnan asa turǵyn qonystanǵan. Shalǵaı ornalasqan eldimekenderdiń ózekti máselesi – ınfraqurylym. Ótken jyly 4 eldimeken aýyz sýmen, 3 eldimeken elektr jáne tabıǵı gazben qamtyldy. Bul jyly Qaınarbulaq t/a, Asar-2 (2 kezek), Saıram aýmaǵynda aýyz sý qurylysy bastalady. Al, Qaınarbulaq, Dostyq, Asar-2, Turan shaǵyn aýdandaryn elektr energııasymen qamtý úshin qurylys jumystary júredi. Tassaı, Turan, Asar-2, Qaınarbulaq turǵyn alabynda tabıǵı gazdyń qurylysy bastalady. Eldimekenderdiń ınfraqurylymmen tolyq qamtýylýy týraly aýdan ákimi R.Múlkemanov baıandap berdi.
Kezdesýde turǵyndar tarapynan suraqtar qoıylyp, árbirine shahar basshysy naqty jaýaptar berdi. Tıisti sala basshylaryna naqty tapsyrmalar júktedi. Jańadan taǵaıyndalǵan aýdan ákimine sáttilik tilep, turǵyndarmen tyǵyz qarym-qatynasta jumys jasaýdy júktedi.
