Kúni keshe Reseı Prezıdenti Vladımır Pýtınniń burynǵy kómekshisi Vladıslav Sýrkovtyń úı qamaýyna alynǵany belgili boldy. Ol “krovavyı ıntellektýal”, “genıı zla” degen laqap atpen de tanymal.
Ony anaý-mynaý emes, bildeı RF Memlekettik Dýmasynyń burynǵy depýtaty, Ýkraına aýmaqtyq qorǵanys kúshteriniń múshesi Ilıa Ponomarev 11 sáýir kúni Facebook-te málimdedi. Demek, aqparatty eshqandaı jalǵan deýge kelmeıdi.
«Vladıslav Sýrkov úıqamaqta... Sýrkov áli kúnge deıin bar shyndyqty bárinen de jaqsy biledi», - dep jazdy ol.
Sonda Memlekettik Dýmanyń eks-depýtaty «shyndyq» dep neni meńzedi? Demek, Sýrkov birnárseni ishine búgip jatqandyǵy anyq. Ol qandaı shyndyq boldy eken?
Jalpy Sýrkov ómirde joly bolǵan adam. Óıtkeni ol kúzetshilikten “Reseıdiń bas ıdeology” deıingi dárejege súrinbeı jetken saıasatker.
Tipti Elınge bıliktiń beıbit jolmen ótýin júzege asyrýǵa kómekteskenderdiń, sonyń ishinde Pýtınge saıası júıeni turaqtandyrýǵa kómekteskenderdiń qatarynda bolǵan desedi. “Genıı zla” atanyp júrgeni de sodan bolsa kerek.
Sondaı-aq, ol «Edınaıa Rossııa» partııasyn qurýshylardyń biri jáne onyń da bas ıdeology bolyp sanalady.
Taǵy bir nazar aýdaratyn nárse, kezinde Sheshenstan basshysy Ramzan Qadyrov Sýrkovqa óziniń ornyna prezıdent bolýdy usynǵan edi.
2010 jyldyń basynda amerıkandyq kongressmen Ileana Ros-Leıtınen Sýrkovty «Reseıdegi sóz bostandyǵyn shekteýdiń, reseılik jýrnalıster men oppozıııalyq saıası partııalardyń ókilderin qýdalaýdyń negizgi ıdeologtarynyń biri» dep aıyptady.
Rasymen de solaı. Óıtkeni ol óz maqsatyna jetý úshin eshteńeden taıynbaıtyn-tuǵyn.
Sýrkov mansap jolynda súrinbese de, talaı ret synǵa ilikken adam.
Óıtkeni Sýrkovtyń Reseı Federaııasy Prezıdenti Ákimshiligi Basshysynyń orynbasary bolyp turǵan kezinde kópshilik saıasatkerler onyń otstavkaǵa ketýin talap etken.
Olardyń pikirinshe, Sýrkov saılaý nátıjelerin burmalaý, saıası básekelestikti joıý, qoǵamdyq uıymdarǵa qarsy naýqandardy uıymdastyrý, sondaı-aq «Nashı» qozǵalysy sııaqty zańsyz uıymdardyń úılestirýshisi bolǵan deıdi.
Sonymen birge ol 2014 jyly Donbassta «azattyq qozǵalysynyń» nemese Reseı Federaııasynyń arnaıy operaııasynyń “bas senarısi” jáne Qyrymdy eshbir shyǵynsyz basyp alý strategııasynyń avtory bolǵan.
Iaǵnı Kremldiń kóptegen saıası shemasyn Sýrkovtyń dál ózi syzyp otyrǵan desedi. Ol úshin úlken saıası qyzmet te qajet etpegen tárizdi.
Mine, Ponomarev aıtqan barlyq qupııa osynda bolýy yqtımal. Tipti saıyp kelgende, ony qazirgi soǵystyń ıdeologııasyn, senarııin jasaǵan adam retinde qarastyrýǵa ábden bolady.
Al Reseı prezıdentiniń kómekshisi bolǵan shaǵynda Reseı Federaııasy Prezıdentiniń TMD memleketterimen, Abhazııa Respýblıkasymen jáne Ońtústik Osetııa Respýblıkasymen áleýmettik-ekonomıkalyq yntymaqtastyq basqarmasyna jetekshilik etti. Vladıslav Sýrkov jetekshilik ete bastaǵannan keıin, ol Ýkraınamen turaqty jumys isteý fýnkııalaryn keńeıtti, al keıinirek ishinara tanylmaǵan KHDR men LPR memleketteriniń qurylýyna sebepker boldy.
2014 jyldyń mamyr aıynda ol Respýblıkadaǵy ishki saıası daǵdarysty retteý úshin Abhazııa isine aralasty. 2020 jyly 18 aqpanda Reseı Federaııasy Prezıdentiniń kómekshisi qyzmetinen bosatyldy.
Budan ári Sýrkov jetekshilik etken máselelermen Reseı Federaııasy Prezıdenti Ákimshiligi Basshysynyń orynbasary Dmıtrıı Kozak aınalysatyny habarlandy.
Sońǵy jyldary Vladıslav Sýrkov ishki saıasattan syrtqy saıasatqa kóshti.
Sýrkovty Donbasstaǵy «orys kókteminiń» sáýletshileriniń biri dep te ataıdy.
Derekkózderge súıensek, jurtshylyq onyń kenetten otstavkaǵa ketýin ýkraınalyq baǵyttyń ózgerýimen baılanysty deıdi. Basqa nusqa boıynsha, onyń sebebi densaýlyqqa baılanysty kúrdeli problemalar bolýy da múmkin.
Birneshe jyl buryn Vladıslav Sýrkov qatty salmaq tastady, sodan beri ol onkologııalyq aýrýmen kúresip jatyr degen qaýeset basylǵan joq. Alaıda onyń ózi bul qaýesetterdi birneshe ret joqqa shyǵardy.
Al endi keshe Sýrkovtyń 2014 jyldan beri Donbassta qarjy jymqyrý deregi boıynsha tergelip jatqandyǵy týraly aqparat tarady.
Qalaı bolǵanda da, Vladıslav Sýrkovtyń memlekettik qyzmetten ketýin sımvoldyq dep sanaýǵa bolady. Eger, árıne, bul taǵy bir úlken qoıylymnyń bóligi bolmasa, onda ol bárin qaıta oınap shyǵýy yqtımal.
Onyń “qarjy jymqyrý” isi boıynsha tergelýi jáı ǵana synaqqa syltaý ekenin saıasattan sańyraý, aqymaq adam ǵana túsinbeıtin shyǵar.
Bizdińshe, Pýtın Ýkraına soǵysyndaǵy sátsizdikterge kinálilerdi jazalaýdy bastaǵan tárizdi.
Alǵashqylardyń biri bolyp ajdahanyń tyrnaǵyna Sýrkov ilikpesine kim kepil? Basqa-basqa, Ýkrıanadaǵy qandy soǵysqa Sýrkovtyń qatysy bolmaýy múmkin emes. “Kináliler tizimi” jańarýy ábden múmkin. Ne de bolsa, áliptiń artyn baǵyp kútelik…
Oralbaı MERGENBAIULY
“Adyrna” ulttyq portalynyń https://t.me/adyrnaportal telegram arnasyna jazylyńyzdar!
