Shymkent qalasynyń ákimi Murat Áıtenovtiń esepti kezdesýi Abaı aýdanyna qarasty 8 eldi meken turǵyndarymen ótti. Jıynǵa Qazyǵurt, Arǵymaq, Karl Marks, Qursaı, Aıkól, Aqjar jáne Aqtas-1,2 shaǵyn aýdandarynan kelgen 250-den asa turǵyn qatysty.
Jıynnyń barysy qala ákimdiginiń áleýmettik jelidegi resmı paraqshasy arqyly tikeleı efır júrgizildi. Basqosýda Bahadyr Narymbetov júrgizip otyrdy. Sonymen qatar, qala máslıhatynyń depýtattary, qoǵamdyq keńes músheleri jáne BAQ ókilderi qatysty
Qala ákimi ótken jyly áleýmettik-ekonomıkalyq damýy, eldi mekenderdi abattandyrý jáne ınfraqurylym tartý boıynsha atqarylǵan jumystardy baıandap, 2022 jylǵa arnalǵan josparlardy aıtyp ótti.
Aýdanda 34 eldi meken bar, ondaǵy eń ózekti máseleniń biri – ınfraqurylym. 2021 jyly 8 eldi meken aýyz sýmen qamtylǵan. Bıyl Qursaıdyń jańaqurylys aýmaǵy men Arǵymaq shaǵyn aýdanyna sý beriledi. 2022 jyly Arǵymaq, Aqjar, Aqtas-1,2 shaǵyn aýdandary gazben qamtylsa, Qursaıdyń jańa qurylysyna 2023 jyly tabıǵı gaz júıesi tartylady.
Jyl basynan beri aýdan turǵyndary tarapynan 374 másele kóterilgen. Búginde onyń 78-i sheshilgen, 249 másele jyl sońyna deıin, 47-si 2025 jylǵa deıin sheshimin tabady.
Kezdesý suraq-jaýap jáne pikir almasý formatyna jalǵasty. Turǵyndar ınfraqurylym, jol, qoǵamdyq kólik jáne qoǵamdyq qaýipsizdik jónindegi pikirin ortaǵa salyp, sheshilý joly talqylandy.
