«El bolamyn deseŋ, besıgıŋdı tüze» – deidı ūlt ziialysy Mūhtar Äuezov. El erteŋı jastardyŋ bılımdı de bılıktı boluyna bailanysty. Almaty oblysynda NEET sanatyndaǧy 2491 jas bar. Olardyŋ basym bölıgı älı künge ömırden öz ornyn tappaǧandar. Basty sebep – mamandyq taŋdaudan jaŋylysuy. Bır ǧana şalys qadam aldaǧy taǧdyrdy tübegeilı özgerterı anyq. Är jetkınşek mamandyq taŋdaudan qatelespeuı tiıs.
Osy negızde Almaty oblysynyŋ ışkı saiasat basqarmasymen bırge oblystyq bılım basqarmasy, oblystyq jūmyspen qamtudy üilestıru jäne äleumettık baǧdarlamalar basqarmasy öŋır jastaryna arnalǧan «ÖMIRLIK BAǦDAR» atty jaŋa jobany ıske asyruda.
Atalmyş jobaǧa «Azamattyq Alians» pen «Qoǧamdyq kelısım» ortalyǧy, ükımettık emes jäne qoǧamdyq ūiymdardyŋ ökılderı jūmyldyryluda.
Jobanyŋ negızgı maqsaty – mektep qabyrǧasyndaǧy (9-11 synyp) oquşylarǧa mamandyq taŋdaudan jaŋylmai ömırden öz ornyn tabuǧa yqpal etu. Joba oblystaǧy 697 mekteptı jäne 4 auditoriiany qamtidy: Bırınşı – nysanaly auditoriia – 9-11 synyp oquşylary (63 534 oquşy), ekınşı – olardyŋ ata-analary (63 534 ata-ana men qamqorşylar), üşınşısı – mūǧalımderı (10 myŋnnan astam), törtınşısı – NEET sanatyndaǧy jastar (2 491).
Respublika boiynşa tūŋǧyş ret qolǧa alynǧan joba būrynǧydan özgeşe. Mūnda belgılı bır oqu oryndarynyŋ ökılderı oquşylarmen tıldesıp qana qoimai, är balanyŋ qabıletı jeke saralanyp, oquşyǧa mamandyqqa qatysty baǧyt-baǧdar berılmek. Jobany jüzege asyruǧa 300 qyzmetkerden qūralǧan 100 aqparattyq-nasihattyq top tartyldy.
«Qazırgı taŋda jetılu üşın, bılım alyp damuǧa memleket tarapynan berılgen mümkındıkter köp. Ökınışke orai, bızdıŋ jastardyŋ ışınde keleşegın qandai mamandyqpen bailanystratyndyǧy turaly älı de bolsa bır toqtamǧa kelmegenderı qanşama. Köp jaǧdaida balanyŋ mamandyq taŋdauyna ata-anasynyŋ pıkırı äser etedı. Qoǧamda qalyptasqan bır tiptegı oidan ada bolatyn uaqyt jettı. Mäsele 4 jyl joǧary oqu ornynda oqu emes, negızgı tüiın öz salaŋda üzdık bolu», – deidı Almaty oblysy bılım basqarmasy basşysynyŋ mındetın atqaruşy Jaŋyl Magdanqyzy.Almaty oblysy ışkı saiasat basqarmasynyŋ basşysy Bolat Kerımbek jaŋa jobanyŋ jas jetkınşekter üşın maŋyzdylyǧyn atap öttı.
«Bız arnaiy jūmys tobyn qūrdyq. Olar aldaǧy taŋda oblystyŋ är aimaǧyna baryp, tüsındıru jūmystaryn ötkızedı. Bügınde alǧaşqy lek 2 künnıŋ ışınde öŋır aumaǧyndaǧy 100 mekteptıŋ oquşylaryn qamtyp ülgerdı. Bılım basqarmasynyŋ deregı boiynşa, aimaqta 9-11 synyp oquşylary men olardyŋ ata-anasy nemese qamqorşylarynyŋ sany 63 534 adamdy qūraidy. Sonymen qatar, 10 myŋnan astam mūǧalım bar. Joba şeŋberınde osy toptardyŋ barlyǧy qamtylady. Negızı ömırde mamandyǧyn dūrys taŋdaǧan adam baqytty. Ärkım öz ısımen ainalysqanda ǧana qoǧam damidy», – deidı Almaty oblysy ışkı saiasat basqarmasynyŋ basşysy Bolat Kerımbek.Jūmys toby nysanaly auditoriiaǧa arnaiy aqparattyq nūsqaulyqtar men «Almaty oblysynyŋ jastaryna arnalǧan käsıptık baǧdar beru» jinaǧyn äzırlegen. Oquşylardyŋ mamandyq taŋdaudaǧy talap-tılegın bılu maqsatynda arnaiy saualnama da jürgızıledı. Osy arqyly mamandar jastardyŋ qandai käsıpke ikemı baryn anyqtaityn bolady. Bır sözben aitqanda barlyq auyldaǧy är mektep jastarynyŋ äleumettık portretı aiqyndalady. Baspasöz mäslihatyna qatysqan Almaty oblysy jūmys pen qamtudy üilestıru jäne äleumettık baǧdarlamalar basqarmasynyŋ basşysy Marjan Mūratqyzynyŋ sözınşe, bügıngı künı auylşaruaşylǧy mamandyqtaryna sūranys köp.
«Ailyq kurstardy oqyp nemese kolledjderde bılım alyp aiaqtan tūryp, öz salasynda bılgır atanuǧa bolady. Bızdıŋ basty maqsatymyz – jastarǧa eŋbek naryǧynda öz orynyn tabuǧa kömektesu. Jūmysşy mamandyqtarǧa ärqaşan sūranys bola bermek. Sondyqtan ikemge qarai käsıptık baǧdardy aiqyndaǧan abzal», – dep sözın qorytyndylady Marjan Mūratqyzy. Esterıŋızge salamyz, oblystaǧy barlyq mektepterde käsıbi baǧdar jūmystary bastaldy. Joba barysynda mektep bıtıruşılerge arnap önerkäsıptık turizm saiahattaryn, ırı käsıporyndardyŋ jūmysymen tanystyru arqyly jastar üilerdıŋ qalai salynatynyn, kırpıştıŋ qalai qūiylatynyn, nannyŋ qalai pısırıletının, bidaidyŋ qalai öŋdeletının, qysqaşa aitqanda qainaǧan öndrıstı öz közderımen körıp, ömır belesıne nyq qadam baspaq.
