Byltyr kúzde qamaýdan bosap shyqqannan keıin eki aıdan soń kóz jumǵan dıssıdent, aqyn Aron Atabektiń qyzy Alma Nutysheva ákesiniń denesinen tabylǵan "belgisiz zatty" polıııanyń bermeı otyrǵanyna shaǵymdandy, dep habarlaıdy "Adyrna" saıty "Azattyq" radıosyna silteme jasap.
Aqyn qazasynyń sebebin tergegen Almatynyń Áýezov aýdandyq prokýratýrasy 24 naýryzda Aron Atabek koronavırýstan qaıtys boldy degen tujyrym jasap, qylmystyq isti toqtatqan. Biraq Atabektiń qyzy ákesiniń denesinen tabylǵan kishkentaı jumbaq zattyń dıssıdent ómirine qalaı áser etkenin bilgisi keledi.
— Men ákemniń ádettegi bir aýrýdan ólgenine senbeımin. Onyń denesine saraptama júrgizilgende keıbir jeri synǵany anyqtaldy. Keńirdegi, qoly men aıaǵy qatty synǵan. Munyń bári — qamaýda otyrǵanda kórgen azaby. Bul — bir. Ekinshiden, ákemniń oń aıaǵynan belgisiz plastık zat tabyldy. Onyń qalaı tap bolǵany belgisiz. Bireýler engizdi me, belgisiz. Ákem de bul týraly bilmegen. Nazar aýdaratyn bir nárse, men táýelsiz saraptama júrgizý úshin osy zatty maǵan berýin surap, polıııaǵa aryz jazdym. Biraq maǵan bergen joq. Endi Áýezov aýdandyq prokýratýrasyn sotqa beremin. Aron Atabek qaza bolǵanymen, onyń isi týraly áńgime áli bitken joq. Jalǵasyp jatyr, – dedi Alma Nutysheva 15 sáýirde Azattyq tilshisine.
Onyń sózine qaraǵanda, "Shańyraq oqıǵasy" kezinde ákesiniń oń aıaǵyna oq tıgen. Biraq Aron Atabek oqıǵa týraly jazbasynda "oq túsip qalǵandyqtan óziniń jaralanǵanyn dáleldeı almaǵanyn" jazǵan.
"Bul sol oqtyń qaldyǵy ma, álde basqa ma, belgisiz" deıdi Alma Nutysheva.
Ol zatqa táýelsiz medıınalyq saraptama júrgizgisi keledi, biraq quqyq qorǵaý organdarynyń áreketi soǵan kedergi bolyp otyrǵanyn aıtady. "Jumbaq zatty" berýden bas tartqan quzyrly organdar sebebin de túsindirmegen.
Alma Nutysheva dıssıdenttiń ólimine baılanysty isti qoǵam baqylaǵanyn qalaıdy.
Azattyq tilshisi ázirge quzyrly organdardan jaýap ala almady.
"Shańyraq oqıǵasy" boıynsha sottalyp, 15 jyl túrmede otyrǵan dıssıdent, aqyn Aron Atabek byltyr qazanda qamaýdan bosatylyp, eki aıdan keıin aýrýhanada kóz jumǵan.
Atabek ózine taǵylǵan aıyppen kelispeı, jyldar boıy tolyq aqtaýdy talap etken. Ol túrmede shyqqannan keıin bir top belsendi men saıasatker Aron Atabekti qorǵaý komıtetin quryp, halyqaralyq sotqa shaǵymdanyp, Aron Atabektiń isin qaıta qaraýǵa qol jetkizýge kúsh salatynyn aıtqan. Halyqaralyq quqyq qorǵaý uıymdary men jergilikti belsendiler onyń ólimine bılikti kinálap, túsinikteme berýdi talap etti. Halyqaralyq dárejede tergeý júrgizý qajettigin de alǵa tartty.
Aron Atabek tiri turǵanda óziniń densaýlyǵynyń nasharlaýyna túrmedegi qatań jaǵdaı men azaptaýlar sebep bolǵanyn aıtqan.
