Aq úıdiń kádesyı dúkeni Ýkraına prezıdenti Vladımır Zelenskııdiń sýreti bar kollekııalyq monetalardy satylymǵa shyǵardy, dep habarlady AQSh ákimshiligi. Bul týraly "Adyrna" ulttyq portaly jazady.
Monetanyń quny - 100 dollar. Sıpattamada bul "Amerıka prezıdenttiginiń tarıhı sátteri monetalar jınaǵy" serııasynda usynylǵan 32-shi moneta. Onda Zelenskııdiń 7 naýryzda AQSh Kongresine vıdeobaılanys arqyly shyqqan kezdegi sýreti beınelengen.
"Bul álemdegi eń iri áskerı jáne qarjylyq derjavaǵa tastaǵan erekshe vırtýaldy úndeý boldy. Zelenskıı Amerıka tarıhyndaǵy oqıǵalarǵa silteme jasaı otyryp, Ekinshi dúnıejúzilik soǵystyń bastalýyna sebep bolǵae Perl-Harborǵa jasalǵan shabýyldy jáne terrorızmge qarsy soǵystyń bastaýyndaǵy 2001 jylǵy 11 qyrkúıektegi qaıǵyly jaǵdaıdy eske aldy»,- dep jazdy Aq úı baspasóz qyzmeti.
Sondaı-aq, málimdemede atap kórsetilgendeı, bul monetalardy satýdan túsken paıdanyń 100% - y Ýkraınaǵa gýmanıtarlyq kómek kórsetý úshin amerıkalyq Qyzyl Krestke aýdarylady.
