Búgin QMDB -nyń «Zeket jáne qaıyrymdylyq» qorynyń dırektory Qanat qajy Qydyrmın arnaıy issaparmen Shymkent qalasyna keldi.
Sapar aıasynda birqatar rýhanı hám qaıyrymdylyq is-sharalarǵa qatysady. Shymkent ortalyq meshitinde turaqty túrde ótkizilip kelajatqan «Ramazan qorjyny» qaıyrymdylyq sharasy joǵary deńgeıde uıymdastyryldy.
Igi shara barysynda QMDB-nyń «Zeket jáne qaıyrymdylyq» qorynyń dırektory Qanat qajy Qydyrmın berekeli aıdyń qadir-qasıetterin sóz etip, QMDB Tóraǵasy, Bas múftı Naýryzbaı qajy Taǵanulynyń quttyqtaý sálemin jetkizdi.
Búgingi kúni arnaıy bekitilgen 5 orynda 650 úıge (kúrish, qant, ósimdik maı, shaı, un, makoron, táttiler, qurma t.b) azaq-túlik salynǵan qorap úlestirildi.
Igi shara aıasynda QMDB Zeket jáne qaıyrymdylyq qorynyń basshylyǵyna jáne turaqty akııaǵa qarjylaı qoldaý kórsetken kásipkerlerge shahar bas ımamy Baqdaýlet qajy Nurmatuly arnaıy alǵys aıtyp, rızalyq bildirdi.
