Qazaqstanda tört jaŋa saiasi partiia paida boluy mümkın, dep aitty Ädılet ministrı Qanat Musin, dep habarlaidy "Adyrna" ūlttyq portaly Zakon.kz-ke sılteme jasap.
Bügınde tört taraptyŋ qūjattaryn qarastyryp jatyrmyz. Būl – «El tıregı», «Halyq Derbestıgı», «Namys» jäne «Bäiterek». «Halyq Deribestegı» partiiasy ekınşı kezeŋge ötıp, bekıtıluın aldy, sezın ötkızdı. Partiia qūryltai sezın ötkızgennen keiın 20 000 kandidattyŋ tızımın ūsynuy kerek. Qazır zaŋ boiynşa tırkeu merzımı toqtatyldy, partiia müşelerınıŋ zaŋǧa säikestıgı tekserılude.Qazaqstan Respublikasynyŋ Ädılet ministrı Qanat Musin.Qalǧan partiialar – «El tıregı», «Namys» jäne «Bäiterek» älı bırınşı kezeŋde. Ministrdıŋ aituynşa, qūramynda kemınde 1000 adam boluy tiıs bastamaşy top müşelerınıŋ ışınde aty-jönı, tegı nemese äkesınıŋ atymen säikes kelmeitın JSN nemese JSN dūrys emes adamdar anyqtalǧan.
Ökınışke orai, basqa partiialardyŋ müşelerımen qatar qaza tapqan azamattar da anyqtaldy. Zaŋ boiynşa Qazaqstan azamaty tek bır saiasi partiianyŋ müşesı bola alady. Sondyqtan ol basqa partiia qūruǧa qatysa almaidy. Bıraq barlyq kemşılıkter joiylǧannan keiın taraptar qūjattardy qaita tapsyryp, kelesı kezeŋderden ötuge ötınış bere alady, - dedı Qanat Musin.Ädılet ministrlıgınıŋ basşysy 2019 jyldan berı saiasi partiiany tırkeuge 10 bastamaşyl top ötınış bıldırgenın naqtylady. Olardyŋ üşeuı bırınşı kezeŋnen öttı, olar habarlama alyp, aqparattardy qabyldau turaly rastau berdı.
Eske salaiyq, 16 nauryzda memleket basşysy öz joldauynda Qazaqstanda partiialardy tırkeu räsımderı aitarlyqtai jeŋıldetıletının aitqan bolatyn. Tırkeu şegın tört ese – 20-dan 5 myŋ adamǧa deiın tömendetudı tapsyrdy.
"Adyrna" ūlttyq portaly
