QR Bilim jáne ǵylym mınıstri Ashat Aımaǵambetov pedagogterdi attestattaýdy alyp tastaý týraly usynysqa pikir bildirdi, dep habarlaıdy "Adyrna" ulttyq portaly inform.kz-ke silteme jasap.
Ulttyq biliktilik testileý kezinde muǵalimniń qaıtys bolý oqıǵasynan keıin muǵalimder tapsyratyn biliktilik testeriniń sany azaıa ma? BAQ ókilderi Úkimet otyrysynan keıin ótken baspasóz máslıhatynda QR Bilim jáne ǵylym mınıstri Ashat Aımaǵambetovke osyndaı suraq qoıdy.
«Attestaııa rásimin alyp tastaý – eń kóp túsetin usynystardyń biri. Ony men jasyra almaımyn. Munyń aldynda 2018 jyldan bastap attestaııa engizildi. Men osy testileýdi alyp tastaımyz desem, bári bórikterin aspanǵa laqtyryp, qýanatyny túsinikti. Biraq bizge mundaı arzan pıar qajet emes. Eń qajeti – bilim berý sapasy», -dedi mınıstr. Sondaı-aq ol salaǵa qatysty sheshim qabyldaǵanda eń áýeli jekelegen toptarǵa emes, jalpy halyqqa paıdaly jaǵyn negizge alatynyn túsindirdi. «Bizde eń basty másele – jaqsy bilim alý máselesi. Sondyqtan biz bireýge unaý úshin, bireýdiń tilin tabý úshin osyndaısheshimder qabyldamaımyz. Biz elge qajetti sheshim qabyldaımyz. Bul óte mańyzdy másele. Osyǵan kóńilderińizdi aýdaramyz», - dedi Ashat Aımaǵambetov.
Eske salsaq, Almatyda ulttyq biliktilik testin tapsyryp jatqan muǵalim kóz jumdy.
"Adyrna" ulttyq portaly
