Ūly aqyn Abai Qūnanbaevtyŋ tuǧan künıne orai latyn grafikasymen alǧaş ret qazaq-özbek tılderınde gazet şyǧaru josparlanyp otyr, dep habarlaidy «QazAqparat» HAA tılşısı.
Būl turaly Halyqaralyq Türkı akademiiasy men ÖR Jazuşylar odaǧynyŋ kezdesuınde Qazaqstan Respublikasynyŋ Özbekstandaǧy Tötenşe jäne ökılettı elşısı Erık Ötembaev mälım ettı:
–Bügın bız bırlesken kıtap-jurnaldardy äzırleu ısıne jaqsy negız bolatyn yntymaqtastyqtyŋ özektı mäselelerın talqyladyq. Latyn grafikasymen basylatyn bırlesken gazettı şyǧaru jönınde kelısımge qol jetkızıldı. Būl mäselede Özbekstannyŋ täjıribesı, jaqsy ädısnamalyq negızderı bar. Latyn grafikasymen jaŋa şyǧarmalardy şyǧaruǧa bolady. Būl oqyrmandarǧa Özbekstan jäne Qazaqstan ömırı turaly köbırek bılu mümkındıgın beredı. Būdan tys, ekı eldıŋ jazuşylar odaǧynyŋ ortaq tarihyn sipattaityn ärı şyǧarmaşylyqpen ainalysatyn bükıl ziialy qauymǧa arnalǧan jol kartasyn jasau mäselesın qaradyq. Bız ekı halyqtyŋ bolaşaǧyn körsetuımız qajet. Ondai jol kartasy jaŋa tuyndylardyŋ ömırge keluıne türtkı bolyp, tamam halyqqa qoljetımdı bolady. Üstımızdegı jyldyŋ tamyz aiynda, ūly aqyn Abai Qūnanbaevtyŋ tuǧan künıne orai alǧaşqy gazettı şyǧarudy josparlap otyrmyz. Sonymen qatar, ÖR prezidentınıŋ qaulysymen jyl saiyn «Abai oqulary» ötkızılmek.
QazAqparat
