Bügın Şymkentte №3 avtomattandyrylǧan gaz taratu stansiiasy ıske qosyldy. Būl – Qazaqstandaǧy eŋ ülken gaz taratu stansiiasy. Onyŋ quattylyǧy saǧatyna 250 myŋ tekşe metrdı qūraidy.
AGRS-tı ıske qosuǧa arnalǧan saltanatty räsımge Şymkent qalasynyŋ äkımı Mūrat Äitenov pen «QazaqGaz» ūlttyq kompaniiasy» aksionerlık qoǧamynyŋ basqarma töraǧasy Sanjar Jarkeşov qatysty.
– Şymkent qalasy qazırdıŋ özınde saǧatyna 250 myŋ tekşe metr tabiǧi gaz paidalanady. Būǧan deiın jūmys ıstep tūrǧan ekı AGRS-tıŋ jiyntyq quaty saǧatyna 180 myŋ tekşe metrdı qūraidy. Osyǧan bailanysty qalada gazdyŋ qysymy tömendep, tapşylyq baiqalǧan bolatyn. Al, №3 avtomattandyrylǧan gaz taratu stansiiasynyŋ ıske qosyluynyŋ arqasynda osy problema tolyǧymen şeşıldı. Endı qaladaǧy jaŋadan ışkı jüielerı jürgızılgen barlyq şaǧyn audandarǧa gaz beruge mümkındık tuyndap otyr. Būl – tūrǧyndardyŋ tūrmysyn jaqsartu jolyndaǧy maŋyzdy qadam, – dedı M.Äitenov.Aita keteiık, nysannyŋ qūrylysy 2019 jyly bastalyp, 2021 jyldyŋ soŋynda aiaqtaldy.
– Memleket basşysy Qasym-Jomart Toqaev halyqtyŋ barynşa köp bölıgın tabiǧi gazben qamtudy bızdıŋ aldymyzǧa basty mındet etıp qoiyp otyr. Osyǧan bailanysty gaz tasymaldau infraqūrylymyn damytu baǧytynda auqymdy jūmys atqaryp jatyrmyz. Bügın Şymkentte ıske qosylyp otyrǧan jaŋa stansiia sonyŋ jarqyn körınısı, – dedı S.Jarkeşov.Mamandar aituynşa, №3 AGRS-tıŋ qosyluynyŋ nätijesınde Şymkent qalasynda aldaǧy bırneşe jyl boiyna gaz tapşylyǧy tuyndamaidy.
