Biznesmen Ahmetbek Nūrsila Marǧūlan Seisembaidan ülgı alyp jürgen jastardy synǧa aldy, dep habarlaidy “Adyrna” ūlttyq portaly.
Sūhbattarynda aitqan bailyqtaryna şüilıkken Ahmetbek Nūrsila Marǧūlannan bılım alǧan jastar baqytsyz bolady dep topşalauda.
«Marǧūlandy tyŋdap, ūqsaǧysy kelıp jürgen qazaq jastary qandai baqytsyz, sorly, dünienıŋ qūly bolyp ösedı dep oilaimyn» dep jazdy Ahmetbek Nūrsila äleumettık jelıde. «Adam balasyna jyrtyqsyz, kırsız, sypaiy kiınıp, häm ol kiımın bylǧap, byljyratyp kimei, taza kimek – dūrys ıs. Läkin öz däuletınen artyq kiınbek, ne kiımı artyq bolmasa da, köŋılıne quat tūtyp, tym ainaldyrmaq – kerbezdıŋ ısı. Kerbezdıŋ ekı türlı qylyǧy bolady: bırı bet-pışının, mūrtyn, müşesın, jürısın, qas-qabaǧyn qoldan tüzetıp, şyntaǧyn köterıp, qolyn taraqtap äure bolmaq. Bıreuı atyn, kiımın «airan ışerım» dep, solardyŋ arqasynda sypaiy, jūǧymdy jıgıt atanbaqqa, özınen ılgerılerge eleulı bolyp, özı qatardaǧynyŋ ışın küidırıp, özınen keiıngılerge «ätteŋ, dünie-ai, osylardyŋ atyndai at mınıp, kiımındei kiım kigennıŋ ne armany bar eken?!» deitūǧyn bolmaqqa oilanbaq. Mūnyŋ bärı – masqaralyq, aqymaqtyq. Mūny adam bır oilamasyn, egerde bır oilasa, qaita adam bolmaǧy – qiyn ıs. Kerbez degendı osyndai ker, kerdeŋ nemeden bezıŋder degen sözge ūqsatamyn. Tegınde, adam balasy adam balasynan aqyl, ǧylym, ar, mınez degen närselermen ozbaq. Onan basqa närsemenen ozdym ǧoi demektıŋ bärı de – aqymaqtyq», – degen Abaidyŋ sözımen bölıstı jazba avtory.
”Adyrna” ūlttyq portaly
