Jer resurstary jäne paidaly qazbalar halyqqa tiesılı me? Būl sūraqqa Konstitusiialyq keŋestıŋ apparat jetekşısı Baqyt Nūrmūhanov jauap berdı, dep jazady "Adyrna" ūlttyq portaly baq.kz-ke sılteme jasap.
Ata zaŋnyŋ 6-babyna özgerıster engızılıp otyr. Bügınde jer onyŋ qoinauy, ösımdık jäne januarlar älemı jäne basqa da paidaly qazbalar memlekettıŋ menşıgınde dep jazylǧan. Endı memlekettıŋ menşıgındegı jer halyqqa tiesılı dep özgertılıp otyr. Būl özgerıstıŋ ülken saiasi-qoǧamdyq mänı bar. Osy qūndylyqtardyŋ naqty iesı kım ekenı körsetılıp otyr. Osy bapta halyqtyŋ atynan äreket etetın memleket özınıŋ sailanǧan Prezident, Parlament jäne Ükımet arqyly jer qatynastaryn retteitın bolady. Özderıŋızge mälım, qazır Jer kodeksı bar. Osyǧan orai qabyldanyp otyrǧan şeşım, - dedı spiker ortalyq kommunikasiialar alaŋynda ötıp jatqan brifingte.Onyŋ aituynşa, zaŋǧa mūndai özgerıs jasau kezınde halyqaralyq täjıribe eskerılgen.
Ärine, halyqaralyq täjıribe eskerıldı. Özderıŋız bıletındei, byltyr ǧana būl mäsele ūzaq qaraldy. Şeteldıkterge jäne şeteldık zaŋdy tūlǧalarǧa jerdı menşıgıne bermeu turaly būrynda şeşım qabyldanǧan bolatyn. Köptegen eldıŋ Ata zaŋdarynda osy jer tabiǧat bailyqtary halyqtyŋ menşıgınde degen ereje bar. Sol eskerılıp, ūsynylyp otyr, - dedı Baqyt Nūrmūhanov.
"Adyrna" ūlttyq portaly
